කාලෙකට ඉස්සරම කැණිමඩල හෙලවුනා රැදෙන එක අනතුරක් බව හිතට වැටහුනා ගිය අලුත් තැනට මට රැකවරණ තියනවා ඒ වුනත් පොඩි බයක් නුඹ ගැනත් තියනවා බිදුන කැණිමඩල නුඹ ගොඩගනී කියාලා හිත් කොනක තිබුන පොඩි හීනයත් නැතිවුනා අලුත් තැන නුඹට රැකවරණ බව දන්නවා කියපු කැණිමඩල යට මට හෙවන තියනවා -සගා- 13/01/2019 ...

  ගම්පෙරළියේ නන්දත් නොකරන්න ඇති මේ තරම් පෙරළියක් නුඹේ පෙරළිය පොතක කොහෙවත් කවුරුවත් නොලියන්නැති පියල් ද ජිනදාස ද මම කවුද තාමත් මටම වැටහෙන්නැති වැඩවසම් යුගයක දිවිය රළු වෙන්නැති සඳමඩල වැසුනා මෙන් කලු වලාකුළකින් අදුරුවීය නුඹෙ සුදුවත පිටවූ දා මම ගම්දොරින් වෙළදාමට බැහර ජිනදාස ගියත් එදවස නන්දත් මෙහෙමදැයි හිතුනා මටත් යන්තම හිටියෙ නෑ නයෙක් පොළගෙක් අඩුම තරමේ කුණකටුවෙක් අහවර වෙලා ...

  කියුබ් තුන හමාරේ දෙසීය විසිහත ඉරක් විසිපහයි තිස් නවය සතියකට පස් හය වතාවක් දහ අටේ දුවනවා සුක්කානමට උඩින් ඇති “රියදුරු දෑතට දෙවි පිහිටයි” බලාගෙන හුන්නස්ගිරිය කපොල්ල කිට්ටුව සියාතු මාමගෙ රොටී කඩයෙන් රොටියයි ප්ලේන්ටියයි වැරදුනොත් කලාතුරකින් ඉර මුදුන් වෙනකොට පාර දෙපැත්තේ කපුටෝ ඉන්නවා කාකි සූට් ගහගෙන බේරිලා ගියා නම් හාස්කමකින්මමයි තිබුන පෙර පිනකට කරගැට මල් පිපුනාට අත්දෙකේ කර්කශ වුනාට ...

ගැටඹේ පන්සල පසුවෙද්දී හුනස්නෙන් නුඹ නැගිටිද්දී ඉල්ලුවාදැයි එකම පැතුමක් වැඩ සිටින බෝ සමිඳුගෙන් මීට තුන් මාසෙකට ඉස්සර පුවක් ගසකින් ගොඩැල්ලේ බිමට පතබෑවෙච්චි හිමි සදු ඇදක් උඩ මහ රෝහලේ තාම උන්දැට සිහිය නැති එක දන්නවා නුඹෙ හිතට වද බව මහන්සිය ගැන හිතන්නැතිවම එන්නෙ නුඹ කෑගල්ලෙ ඉදලම දිවිය මරණය අතර සටනක හිමි ඉන්නවා සිහිය නැතිවම ඒක හින්දද හුස්ම ඔහුගේ බාර දුන්නේ ...

  කවුරුත් දන්නා කියන ප්‍රේමයේ නගරයේ හතර කොන හොදින් අදුනන නුඹ දන්නෙ නැතුවාද ප්‍රේමයේ විරහව අහස සිපගන්න මෙන් නැගුන අයිෆල් කුලුන පෙනුනාද නුඹටවත් ප්‍රේමයේ විරහව පසෙකින් ගලායන සේන් ගං කොමලියේ දැනුනාද දැවීයන ප්‍රේමයේ විරහව හැරගොසින් තවතැනක නතරවුන ඇගේ සිත තාම නොහදුනව ඇති ප්‍රේමයේ විරහව හැමදේම දැන උන්නු සේන් ගඟ මෙන් කුලුන හංගගෙන ඇති හිතේ ප්‍රේමයේ විරහව… -සගා- 15/09/2018 ...

කාලෙකට ඉස්සර මේ නුවර අහස යට නුඹත් මමත් ඇවිද්දා හරි හරියට පාරවල් ගැන හරියට නොදැනත් අතරමං නොවී අපි ගියා මතකද වැව රවුමෙ ගස් හෙවන යට බංකුවේ වාඩිවී වැව් ජලය පිස හමන මුදු සුළග නුඹේ කෙහෙරැලිත් එක්ක පොරබදන හැටි දිහා බලාගෙන හිටිය මම ගොඩක් දවසට වැටුන වැහි කෝඩ එක්කම හිරිගඩු පිපී එන සීතල සුළගෙනුත් බේරිලා ඇවිදින්න තිබුන නුඹෙ පොඩි කුඩය ...

  කලාතුරකින් ලිපේ දැල්වෙන ගින්දරට බැරිවුනා අම්මගෙ සෙනේ පුච්චන්න නියගෙන් පස්සෙ වැස්සට පිරුන වැවේ වානට බැරිවුනා අප්පච්චිගෙ සෙනේ මැඩලන්න දුප්පත් නිසයි අක්කා ගියේ වලව්වේ කුස්සියේ බත් තම්බන්න මොකක්දෝ කරුමෙකට ඒකි ආයෙත් ආවෙ කිරිසප්පයෙක් එක්ක දෙවොලෙ දෙවියන් නොදැක්කා කීවමත් හරි පුදුමයි රතු තිරෙන් වැහිල උන්නු හින්දාම දෙයියො කිසිදෙයක් නොදැක්කා වෙන්ටැති වැස්සට කාලයට පෝසත් වෙච්ච වැව් දියපත්ලේ හැංගිලා ගියා දවසක් අක්ක ...

  දවසම මහ මගට කැපකර ඈත දුර ගමන ගෙවාගෙන පළතුරු වට්ටියට උඩින් තැබි මොනර කොල එක්කම කපුරු දැල්වූ රුපියල් සීයේ ලගටම ගිය පොල්ගෙඩිද අතැතිව නොපෙනෙන දෙවියන්ට කන්නලව් කර දෙවොලේ කොනක ඇති පොල්ගසන තැනට විත් මහා ආරූඩයෙන් පොල් ගසන මිනිසුනේ මොහොතකට සිතුනේ නැද්ද කොහේ හරි වැරදිලා බව හැල්මේ දුවන නුඹලාට…. -සගා- 26/08/2018 ...

දැකලා නෑ ඇත්තමයි උඹ වගේ සහෝදරයෙක් හම්බෙන්නෙ නැතිත් වෙයි උඹ වගේ සහෝදරයෙක් ගෙවෙන මේ ජීවිතේටම “හිතුමතේ ජීවිතේ” -සගා- 18/02/2018

ලෝකෙම දිනුවා කියලා හිතුනද බං හොයාපු සැනසුම ලැබුනා හිතුනද බං ජීවිතේම ඒකිද කියලා දැනුනද බං මටත් ඉස්සරම ඔහොමම හිතුනා බං හංගපු දේවල් උඹටත් තිබ්බද බං ඒගැන කියන්න මම නම් දන්නෑ බං තේරෙයි කල්‍ යයි මොනව කරන්නද බං එතකොට පරක්කු කියලා හිතේවි බං හිටියා එකටම පස් අවුරුද්දක් බං සිදුවුන දේවල් කියල වැඩක් නෑ බං මොනව වුනත් එක දෙයක් කියන්නම් බං ...

ටියුෂන් ගුරුවරයෙකු සිසුවියක ලැගුම්හලකට රැගෙන ගොස් අපයෝජනයට ලක්කර ඇගේ ඡායාරූප අන්තර්ජාලයට මුදාහරියි. -පුවතක්- හිතුවෙනෑ මේතරම් පිරිහිලා ඇතිබවක් මූසිල පරපුර… -සගා- 28/07/2018 ...

වන අලියෙකු පහරදීමෙන් මියගිය සිය පියාගේ දේහයට දණ නමා වැද දියනියක් ශිෂ්‍යත්ව විභාගය ලිවීමට පිටත්වෙයි. -පුවතක්- කුඹුරට ගියේ වක්කඩ බැදලා එන්න හිතුවේ නෑ වෙයි කියා මේ වැනි විපත්තිය තනියා හිටියෙ ගුරු පාරේ එක් කොනක කරගන්නට දෙයක් තිබුනේ නෑ මෙමට දෝනිගෙ පහේ ශිෂ්‍යත්වය අනිද්දා නැතිබැරි වුනත් ඒකී හරි උනන්දුවා දවසක ලොව දිනන වග මා දැන උන්නා ඒ හීනය තනියා පොඩිකර දැම්මා ...

ගේදොරකඩ අඹ අත්තේ වැස්සට තෙමෙනා දෙමලිච්චී තාමත් තෙමෙමින් උඹ ඉන්නේ ගෙයි දොර උඹටත් ඇරේවි කියලද කාහරි අඩගසාවි කියලද දෙමලිච්චී නොලැබෙන දේවල් ගැන තව හිතලා මොකට තෙමෙනවද දෙමලිච්චී උඹ වාගෙම වැස්සට තෙමෙනා දෙමලිච්චෙක් අත්තක වහලා ඇති හනිකට හොයලා ඉගිලීයන් වැස්සට තෙමෙනා දෙමලිච්චී -සගා- 01/08/2018 ...

මෙය මාගේ මව ගැන නොවේ. එය මා ඔබට මුලින්ම පැවසිය යුතුය. එක්තරා දිනයක මාගේ මිතුරෙකුගේ නිවසට ගොඩවු විට ඔහුගේ මවගේ හැසිරීම මා නෙත ගැටුනේ අහම්බයෙනි. සමාජයේ කිසිවෙකුගෙන් කතාවක් නොඇසෙන පරිදි ඇය තම දරුවන් තිදෙනා උස්මහත් කර රටට වැඩදායි පුද්ගලයින් බවට පත්කොට තිබේ.දීග ගොස් ගම රට අතහැර කොළඹ පදිංචියට පැමිණි තම දරුවන් නැති පාලුව ඇයට දැනෙනු ඇතැයි මට හැගිනි.එහෙත් නිවාඩුවකට ...

මේ සිතුවිලි මා හට පහල වූයේ පසුගිය දිනක නාවලපිටියේ සිට කොළඹ බලා දුම්රියෙන් පැමිනෙමින් සිටියදීය.කඩුගන්නාව සහ බලන අතර පොඩිමැණිකේ ඉදිරියට ඇදෙද්දී වම්පසින් උතුවන්කන්ද පැරණි අතීතය තුරුලු කරගෙන තේජාන්විතව ඉන්නා සෙයක් මට හැගිනි. හිතට නැගුන සිතුවිලි අකුරු කරන්නට දින කිහිපයක් ගතවිය.කාර්‍යබහුලත්වයද, අමතකවීමදැයි මට නොවැටහේ. තවමත් කවි ලෝකයට සුහුඹුලෙක් වන මාගේ කවිපද ඔබට රසවිදීමට හැකිදැයි මම නොදනිමි.එහෙත් හිතට නැගෙන සිතුවිලි අකුරු ...

සුළඟ නුඹ වගේ කිව්වෙ ඉස්සර සුළඟ ගියෙ සුවද අරගෙන නුඹ ගියේ මලේ පෙතිත් අරගෙන අහස නුඹ වගේ කිව්වෙ ඉස්සර අහස කලු වෙලා වැස්ස වැටුනට නුඹ ගියේ කලු වලා ඉතිරි කර සදහටම ගලන දොල නුඹ වගේ කිව්වෙ ඉස්සර දොල ගලාගෙන ගියේ පාඩුවේ නිසොල්මන නුඹ ගලාගෙන ගියේ දෙපස ගස් මුල් එක්ක තාම හරියට අකුරු ගලපන්න බැරි නිසා මගෙ පෑනට ඒදවස්වල වැරදුනාවත්ද ...

ආකහේ පැද්දෙන්නෙ නූල් තියනකම් විතරක් කියා සරුංගලේ නොදන්නවා ඇති සැපයක් විදින්නෙ පින තියනකම් විතරක් කියා මිනිස්සු නොදන්නවා ඇති -සගා- 10/07/2018

ගොඩක් දෙනෙක් නොදන්නවා වාගෙ හිටියට තමන්ගෙම දෑවැද්ද වෙච්ච ඉපදුන තැන වෙච්ච නෑදෑයා වෙච්ච පිළිසරණ කරගත්ත කර්මයට   බෑ අල්ලස් දීලා බේරෙන්න -සගා- 06/07/2018

දුර පිපුන තහනම් මල් රොන් ගන්න ඉඩ දී එන එන බඹරුන්ට තහනම් කලේ ඇයි පෙම් කරන්නට හැමදාම ලග සිටි සමනලයින්ට කොතරම් බලා සිටියත් බඹරුන්ට පමණයි අවසර තහනම් රොන් ගන්ට හැමදාම ලග සිටි සමනලයින්ට -සගා- 25/06/2018 ...

හරිම මහන්සියි මැසිම පාගලා අම්මේ එකදිගට පැය දොලහක් කෑමට පැය බාගයක් ඇරලා දැනුයි ආවේ බෝඩිං කාමරේට අදත් රෑට පාන් තමා ඉතින් එන ගමන් හන්දියෙ කඩෙන් ගෙනාවෙ මොකක් හරි හොද්දක් රත් කරගන්නවා ඇගපත හෝදගෙන ටික වෙලාවකින් මේ සතියෙ නම් නයිට් කලේ නෑ ඒක නිසා ලොකු වෙහෙසක් මට නෑ ලගකදි ලොකු නිවාඩුක් නැතිනිසා අවුරුදු මාසෙම ගෙදරට එන්නම් තාත්තා වකුගඩු ලෙඩේ  දැන් කොහොමද ...