කාලෙකට ඉස්සර
මේ නුවර අහස යට
නුඹත් මමත් ඇවිද්දා හරි හරියට
පාරවල් ගැන හරියට නොදැනත්
අතරමං නොවී අපි ගියා මතකද
වැව රවුමෙ ගස් හෙවන
යට බංකුවේ වාඩිවී
වැව් ජලය පිස හමන
මුදු සුළග නුඹේ කෙහෙරැලිත් එක්ක
පොරබදන හැටි දිහා බලාගෙන හිටිය මම
ගොඩක් දවසට වැටුන
වැහි කෝඩ එක්කම
හිරිගඩු පිපී එන සීතල සුළගෙනුත්
බේරිලා ඇවිදින්න
තිබුන නුඹෙ පොඩි කුඩය
ගොඩක් දේ වෙනස් වුන
ඒ නුවර අහස යටම
වැස්සෙ මම ඉන්නවා
කුඩයකුත් නැතිවමම
වැව දිහා බලාගෙන
-සගා-
10/09/2018
Saga 