2022 ඔක්තෝබර් 18දා සිනමාවේදීන් සමූහයටමාස කීපයකට කලින් youtube සරනකොට ITN නාලිකාවේ යන කතාවක කොටසක් හම්බුණා. විචිත්‍රවත් වර්ණ හින්දයි පොඩි තරුණ vibe එකකුයි ආව හින්දා බැලුවම මුල් කොටසේ ඉඳන්ම බලන්න ආසාවක් ඇතිවුණා. කතාවේ නම 'හිතුවක්කාරී'

"අපි හැමදෙයක්ම කරන්නේ දරුවන් වෙනුවෙන්, අනාගතය වෙනුවෙන්!" නිතරම ඇහෙන කතාවක්. හැබැයි මේක ඇත්තටම එහෙමද?පහුගිය කාලේ ඇතිකරපු (ඇතිවෙච්ච කියන්න බැරිබව දැන් දැන් තේරුම් යන නිසා) අරගලේ අස්සෙ දරුවා තරම් අවභාවිත වුණ මිනිස් පළිහක් තවත් තිබ්බේ සිවිල් යුද්ධේ අන්තිම කාලේ ප්‍රභාකරන් විසින් සිවිල් වැසියන් අවභාවිත කළ අවස්ථාවේ වෙන්න ඕන.අරගලේ පළවෙනි දවසේ මිරිහානට දරුවො කරපින්නාගෙන ඇවිත් ඉටිපන්දමක් පත්තු කළහම ඒක විහාරමහාදේවි කතාවක් කරගෙන, ...

2022 ඔක්තෝබර් 2දා සිනමාවේදීන් සහ හෙළ රිදී තිරය සමූහයන්ට. මැරිච්ච මිනිසුන්ට තරම් ජීවත්වෙන මිනිස්සුන්ට මල් ලැබෙන්නේ නෑ! මැරුණට පස්සේ ලැබෙන ආදරෙන් කළඳක් ජීවත්වෙද්දි ලැබෙන්නේ නෑ!දර්ශන් ගිහින්. මහා රලු ගොරෝසු කටහඬකින් කැඩි කැඩි සිංහල කතා කරපු දර්ශන් යන්න ගිහින්. ලස්සන සුකොමළ කඩවසම් වීරයො පහුකරගෙන ගමනක් යන්න හිටිය රලු පෙනුමැති දර්ශන් යන්නම ගිහින්.දැන් හැමෝම දර්ශන්ට ආදරෙයි. හැමෝටම දර්ශන් පොරක්,අතිවිශිෂ්ට රංගධරයෙක්, සුපිරි චරිතයක්. ...

200 ඔක්තෝබර් 2දා සිනමාවේදීන් සහ භාරත සිනමා රසික සංසදය සමූහයන්ට. Sharmaji Namkeen (2022)IMDb 7.6/10Genre: Drama"Today's generation has become very smart and practical. For them every relationship is like a ladder, which they climb to get ahead in life. And when the ladder becomes useless they just throw it awa...""Last scene of the film 'Baghban'. They should make it compulsory in ...

"මට ඕන ඔයාව අඳුනගන්න"අහලා පුරුදු කතාවක් වෙනස් කටහඬකින් ඇහුණම ඒකේ ස්වර උච්ඡාවචනයවීමයි අර්ථ විවරණයයි විශ්ලේෂණය කරන්න මගේ මනස එරමිණියා ගොතාගෙන වාඩිවුණේ කොන්දට සැප කොට්ටයක් හේත්තු කරවගෙන ලකලෑස්ති වෙලා."ඉතින් ඔයා මාව අඳුනනවනේ" කටට ආපු සරදම් හිනාව බීම වීදුරුවෙන් මුවා කරගෙන පුළුවන් තරම් සාමාන්‍ය විදිහට කිව්වේ අනුන්ගේ පව් තවකෙක් පිටින් යවන්න අවශ්‍ය නෑ කියලා හිතුණ හින්දා."ඔව් අඳුනනවා. ඒත් ඊට වඩා ඔයා ගැන ...

වයිරමුත්තු අන්කල් යාපනෙන් ඇවිත් දකුණේ පදිංචි වෙලා තියෙන්නේ මං ඉපදෙන්නත් කලින්. වයිරමුත්තු අන්කල්ගේ අයියා තමයි ඉස්සර සීයාගේ කොණ්ඩේ කපන්නේ ගෙදරට ඇවිත්. එතකොට ඒ එක්කම තුන්වැනි පරම්පරාවෙ පළවෙනියටත් ඒ සැලකිල්ලම ලැබෙනවා. ඒත් මම පුංචි කාලේ කොණ්ඩේ කපන්න බයයි. ඒකට දැන් කොණ්ඩේ කපන්නේ බාබර්ලත් එපා කියද්දී

ටික දවසකට කලින් වෙච්ච සිද්ධියක් ගැන ලියන්න හිතමින් හිටියත් වෙලාවක් නොලැබීම ගැන කල්පනා කරමින් ඉන්න අතර ඒකට ගැලපෙන දෙවැනි සිද්ධියක් අත්දැක්කා. හැමදෙයක්ම සහේතුකයි කියලා සුභවාදීව ඒක බාරගත්ත මට ඇත්තටම හිතුනා පළවෙනි සිද්ධියට ගැලපෙනම ඌණ පූර්ණය ලැබෙන්නේ දෙවැනි සිද්ධිය එක්ක කියලා. පළවෙනි සිද්ධිය වුණේ පහුගිය සතියක තද වැස්සක් ඇදහැලිච්ච සතියේ දවසක. මම ගියා රාජ්‍ය බැංකුවකින් වැඩක් කරගන්න. බොහොම ඉඩකඩ සහිත ඒ ...

මීට දශක තුනකට කලින්, සීමිත මාධ්‍ය ප්‍රමාණයකින් සතුටින් සැනසීමෙන් තෘප්තියෙන් හිටපු කාලෙක නම් පෙරහැරවල් බලන්න තාත්තා අම්මා එක්ක ගිහින් තිබුණට, මතක ඇති කාලෙකින් මම හිතන්නේ දශක එකහමාරකට කිට්ටු කාලෙකින් පෙරහැරක් සජීවීව බලන්න ලැබුනේ නෑ. හවස බෙල්ලන්විල ගියේ සාමාන්‍ය ආගමික වතාවත් කරන්න. ඒ යද්දී මුලු පළාතම රන්දෝලි පෙරහැරට ලෑස්ති වෙනවා දැකදැක හැරිලා එන්න හිතුණේ නැති නිසා බලධාරීන්ගේ අවසර ඇතිව එහෙම, මාත් ...

රෑ අටට බස් එකකට නැග්ගම සාමාන්‍යයෙන් දකින්න පුළුවන් මොනවද? හැම මනුස්සයෙක්ම වගේ විඩාපත් වෙලා ගෙදර යාගන්නෙ කොයි වෙලේද කියලා ඉන්න හැටි, තවත් සමහරු දහසක් දුක්ඛ දෝමනස්ස මෙනෙහි කරකර බලාගත් අත බලං යන හැටි, සමහරු නොනවත්වා ජංගමයා එක්ක ඔට්ටු වෙන හැටි, සමහරු නිදි කිරන හැටි. මේ බස් එකේ ඊට අමතරව සුමිහිරි ගායනයක් ඇහෙනවා, හැබැයි කව්රුවත් හිටගෙනත් නැහැ. "මේ නොනිමෙන දිවි ගමනේ" ...

දෙයියන්ගේ නාමෙට දරුවන්ට පුංචිම කාලේ ඉඳන් පුරුදු කරවනවද සත්තුන්ට හිංසා නොකර ඉන්න? සැලකුවේ නැතත් කමක් නෑ, අඩුගානේ කරදර හිංසා නොකර ඉන්න! පන්සලකට ඇවිත්වත් සතෙකුට හිංසා නොකර ඉන්න බැරි මිනිස්සු ලංකාවේ ඉන්නවා! බෙල්ලන්විල පෙරහැරක්. පන්සලේ සෙනග පිරිලා. කාලයක් තිස්සේ පන්සලේ හැමතැනම ඉන්න බල්ලො ටිකෙන් කාටවත් කිසිම කරදරයක් පීඩාවක් වෙලා නැහැ මම දන්න තරමින් නම්. අඩුම තරමින් ගොරවලා බුරලා වගේ පැමිණිල්ලක්වත් මට ...

රනිල් ජනාධිපති වෙන්න කලින්, අරගලං වීරයෝ වන්දනා කරපු උදවියට 88/89 ගැන මතක් කළාම කිව්ව දේවල් මතකද?"88/89ත් සාධාරණයි අපේ අරගලේ වගේම""ඒ කාලේ ස්මාට් ෆෝන්, සෝෂල් මීඩියා නොතිබ්බ නිසා කව්ද දන්නේ ඇත්තටම මොනාවුණාද කියලා""ෂුවර් එකට ඒ කාලෙත් මෙහෙම සත්‍ය විකෘති කරලා තමයි පෙන්නන්න ඇත්තේ""අනේ මේ හලෝ 88/89 ගගා වැලලෙන්න එන්න එපා හැමදාම""එයාලා දැන් එහෙම නෑ""88/89 අපි දැකලා නෑ" (1990න් පසු කිරි දරුවෝ ...

උච්ච ස්වරයෙන්/උස් හඬින් සහ නොනවත්වා කියවීමෙන් මාධ්‍යවේදියෙකුගේ "විශිෂ්ඨත්වය" සනාථ වෙන්නේ නැහැ. මම හිතන්නේ චමුදිතට වැරදුණු තැන ඒක. 'සැබෑ' මාධ්‍යවේදියෙකුගේ වගකීම තමන්ගේ මතය ආරාධිතයාගේ "කටින් කියවාගන්නට තැත්කිරීම" නොවෙයි. අවාසනාවකට චමුදිතගෙන් 'සැබෑ' හෝ 'පරිණත' මාධ්‍යවේදියෙකුගෙන් ප්‍රේක්ෂකයා දකින්නට බලාපොරොත්තු වන ආචාරශීලීත්වය, ඇහුම්කන්දිම, සන්සුන්කම වගේ ගුණාංග දකින්න ලැබෙන්නේ නෑ. එක් ආරාධිතයෙකු පමණක් සහභාගි වන 'සලකුණ' වගේ වැඩසටහනක් පවා 'බලු පොරයක්' වාගේ ප්‍රේක්ෂකයාට දැනීමටත් අප්‍රසන්නවීමටත් ...

2022 ජූලි 25දා සිනමාවේදීන් සහ භාරත සිනමා රසික සංසදය සමූහයන්ටOmerta - IMDb 7.1/10"Who are you?" "I am the saviour" "A gripping study of evil" - The Hollywood Reportsකාර්යබහුලත්වය නිසා සති එකහමාරකින් විතර චිත්‍රපටයක් නොබැලූ බව මෙනෙහි කරමින් ඉන්නකොට කාලෙකට කලින් බැලුව චිත්‍රපටයක් මතකෙට ආවා.2017දී තිරගත වුණ Omerta නිර්මාණය වී ඇත්තේ Ahmed Omar Saed Sheikh නම් බ්‍රිතාන්‍ය සම්භවයක් සහිත පකිස්ථානු ත්‍රස්තවාදියාගේ ...

එදා වගේම අදත් මම කියන්නේ අරගලය කියන්නේ අවස්ථාවෙන් ප්‍රයෝජන ගැනීමක්. අරගලේ සැලසුම් කරද්දී, පටන් ගනිද්දී මොන විසඳුමත් අවසානයට කැරකිලා එන්නේ ව්‍යවස්ථාවට කියන එක දැනගෙන හිටියේ නැද්ද කියලා අරගලේ කැඳවුම්කාරයන්ගෙන්/දෘශ්‍ය සහ අදෘශ්‍යමාන නායකයන්ගෙන් අහන්න. ඒ වෙලාවේ හැමෝම වැඩ කළේ හැඟීම්වලට වහල්වෙලා. ඒ වගේ ඇසිය යුතු ප්‍රශ්නවලදී විචාර බුද්ධිය එතැනින්ම වහලා දැම්මා නේද "ඉස්සෙල්ලා ගෝඨාභය යවන්න ඕන, ඊටපස්සේ වෙන දේ එතකොට බලාගමු, ...

"නිර්පාක්‍ෂිකයෝ" අද දවස හොඳට මතක තියාගන්න.කව්රු කෑගැහුවත් දැඟලුවත් තර්ජනය කළත් 'අරගල' කළත් සාකච්ඡා කළත් කොන්දේසි දැම්මත් පොරොන්දු ගත්තත් කයිය ගැහුවත් "ජනතා පරමාධිපත්‍යය" 225කට ලඝු කරවගත්තෙ ඔහේලමයි. දැන් ඉතින් පණ්ඩිත කතා කියලා හිත හදාගන්න.ලක්ෂ 69ක ජනතා පරමාධිපත්‍යයට හිනා වෙලා බැනලා නටලා අන්තිමට 'එපා කිව්ව' 225න් ජනාධිපතිවරයා තෝරගන්න වුණ එකම නිකං කණ හරහා ගැහුවා වගේ දැනුණේ නැත්නං තාම

2022 ජූලි 17දා සිනමාවේදීන් සමූහයට Joker (2019) - 8.4/10 IMDbතිරගත වීමෙන් අවුරුදු තුනකට පස්සෙ ඇයි මම ජෝකර් බලන්නේ? අහේතුකයි. ඒ දවස්වල හැම සංවාදයකම තිබ්බට, බාගත කරගෙන හිටියට මට හිතෙන වෙලාව ආවේ පහුවෙලා.

Go home, go home කියල ඒ යකාට මෙහෙ ගෙදරක ඉන්ඩත් නෑ, තියෙනවයි කියන රට ගෙදරට යන්ඩත් නෑ. මොකද්ද අයිසේ මේකෙ තේරුම? මැරෙන්ඩ කියලද කියන්නේ?

ඊයෙ වෙනකල් රඟපු ඕමල්පෙට අද මොකද වුණේ කියලා දන්න කෙනෙක් කියනවද ප්ලීස්?අන්න ඒකට ජීවන්ත! තාම ගේම් එක අතෑරලා නෑ.කාඩිනල්? ආ එයත් එච්චරයි. මං හිතන්නේ තාම රහ කරලා කියන්න ප්‍රකාශය ලියවනවා වෙන්ඩැති.

දැන් අර 'නිර්පාක්‍ෂික අරගලය' ඉවරද ඈ?

ජූලි 9 උදේ කලුකඩ ගාණට ගිය කිලෝමීටර් 19 ආපහු එන්න වුණේ පයින්! මගේ ආත්තම්මලා බකල ඇරලා අතගාලා හදලා දුන්න කකුල් දෙකට සහ ආත්තම්මලා දෙන්නට පින් දිදී පැය 6ක් තිස්සේ කළ ගමනක්!ගමන පටන් ගනිද්දිත් ඩීසල්, පෙට්‍රල් නැති රටේ වාහන, ලොරි, කන්ටේනර් බාගවල නැගලා සිංහ කොඩි වනමින් ගිය උදවියගේ ආරාධනා ආවා 'අරගලේට යනවා නං එන්න'! ඒ අතර ලොරි ඇතුලේ 'ආතල්' ගන්න 'නංගි' ...