මගේ සිත අමතක කර දමයි බොහෝ දේ සංග්‍රාමවල දින, රජවරුන් මැරුණු දින වැනි, එනමුදු, එපිට ගම්මානයේ හෝරා කණුවේ මද්දහන සනිටුහන් කළ, මැයි මහේ අන්තිම නීලවන් මද්දහන් පැය සිහියට නඟා ගත හැක මට හරියටම: රැළි නංවමින් මඟ පසෙක ඇති දියකඳුර මත, සුළඟක් හමා ආයේය යුහුසුළුව මෙදෙසට, ඉක්බිති මෙතැන නතරව, බිම තබා සිය පයින්-සුගන්ධිත බර, සොලවා බිම හෙලී, කැලෑ රෝස ගසෙන් ...

හදවත තවමත් ප්‍රේමයෙන් පිරුණදසඳවතිය තවමත් සුදිලෙමින් තිබුණදනොයමුය ඉදින් තවත් සැරිසරන්නටරැයේ ඒතරම් පමාවන තුරුමඅසිපත ලන කොපුව, අසිපතට පෙර වැනසෙන නිසාආත්මය නැසී යනු පළමු ළය වැනස යන නිසාහුස්ම ගනු පිණිස හද මඳකට නතර විය යුතු නිසාආදරයම වුවත්, ඉසිඹු ලෑ යුතු නිසාආදරය කරන්නට රැය සැදුණේ වුවදඉතාමත් ඉක්මනින් දහවල පැමිණියදනොයමුය ඉදින් තවත් සැරිසරන්නටසඳඑළිය මැද හාත්පස පැතිරුණ -ජෝර්ජ් ගෝර්ඩන් (බයිරන් සාමිවරයා)-(1788-1824) චිත්‍රය: François Cachoud ...

තුරු වෙළී ඇත සරත් කල සුන්දරබවෙහි,වියළිය අඩිපාරවල් වනලැහැබ මැද වැටුණු, වප් මහේ සහන් එළිය යට ජලතලය මතපිළිබිඹුව ඇත අහසක් නිසල;ගල් අතර මුවවිටටම පිරුණු දිය මතහංසයන් පනස් නව දෙනෙකිය. පළමුවර මා උන් ගණින්නට පටන් ගත් තැන් සිටහේමන්ත එකුන් විස්සක් ඉක්ම ගොස් ඇත;ගැණ නිමවන්නටත් පෙර දිටිමි මම,උන් සියලු දෙන එකවර නැඟී අහසට,හඬ නඟන සිය පියාපත් විදාහැරවිසිර යන’යුරු තනමින් විසල් බිඳුණු කව.ඒ පැහැසර ...

බෝසේ අසිරිමත් වූ,මහ නුග ගසකි මම.බලවත් පරමාණුවක් වන්කුඩා බීජයකින් පැළවවැඩී ඇත්තෙමි මේසා සුවිසල්ව.පැතිර ඇත මා අතුපතර සියලු සීමා පසුකොට,අසුවන සියලු අස මා නෙත් මානයට.සදාහරිතවන් මා අතුපතරමා ඵලවල ප්‍රණීත වූ රසය,සෙවණක් පතා එන සියොතුනටවන හෙයින් මා සරණක්ම.වැඩෙන්නෙමි නිසරු වූ පසෙහි වුවනොසිඳෙයි කිසි කලෙක මතුළ ඇති ක්ෂීරයමා තුළ රැඳි වසන්තයමහරු දායාදයක්මය.දිවා කල වෙහෙස වී පියඹනසියොත් කැළ තුටු ගොස නංවනකූඩාරම මා වේය.සියලු ප්‍රීති ...

ඔබ නිදයි සන්සුන් ලෙස.ඔබ අවදිවනු ඇතැයි බියෙන්නොසෙල්වී සිටිමි මම.දෑස් දල්වා සිටිමි මම ඔබ වුවන දෙසඔබ සෙමෙන් හුස්ම ගන්නා දෙස.ඔබේ රන් කෙහෙරැළිමුදුව ස්පර්ශ කරනෙමිය.රක්තවන් ඔබ දෙතොල මතහාදුවක් තබනෙමිය.වැසුණු ඔබ ඇසිපියසෙමෙන් අතගාමිය.කවර නම් සිහිනයකගැලී ඉන්නෙද ඔබ? කවර විසිතුරු කල්පනාතවත් ඇත්තේද සිත තුළ?කවර නම් වූ දෙයක්මා කෙරෙන් ඕනෑද?කිනම් සැඟවුණු ප්‍රීතියක්තවත් ඔබ සොයන්නෙද?කිසියම් සුරඟනක් වනා සිය යෂ්ටියඅවදිවන විට ඔබ හෙට උදෑසනඔබ සිහිනයෙන් දුටුවා වු ...

මිලමුදල් සරි කරන සටනෙන් ඔබට ඕනෑ දේ ලැබුණු විට,ලෝකයා ඔබ එකම දිනකට සිහසුනේ වැඩ ඉන්ද වූ කල,ඉදින් ගොස් කැඩපත වෙතට බලනු මැන තමන් දෙස,විමසනුය එහි සිටිනා රුවෙන් කුමක් වේදැයි කියන්නට.නොවේ ඒ මවුපියන් හෝ ඔබේ පිය බිරිය,තීරණය කරනුයේ ඔබගේ දිවිසැරිය.ඔබගේ ජීවිතේ වැදගත්ම තීරණයදෙන්නේ ඒ රුවයි කැඩපතේ සිට බලන.අන් කිසිවකුත් නොව, තුටු කළ යුතු ඔහුය, රැඳෙනා හෙයින් ඔහු අවසානය තෙක්ම.ඔබේ මිතුරා නම් ...

තණකොළ කපා ඉවර වූපිටිය ඔස්සේ මා ඇවිද යන විට,තද පින්නෙහි පෙඟුණු මුදු පිදුරු ලෙසකැපුණු තණපත් අඩක් මඟ වසාලයි.උයන් පිටියට මා පැමිණි කල,එකට පැටලුණු වියළි වල්පඳුරු මතකැරකෙන සන්සුන් විහඟුන්ගේ නදවදන්වලටත් වඩා දුක්බරයි.බිත්තිය අසල ඇති කොළ හැලුණු ගසක සිට,නිසැකවම මා සිතිවිල්ලෙන් කම්පිතව,එකම එක දුඹුරු පැහැ තුරුපතක්සෙමෙන් පොළොවට ඇද වැටෙයි.යළිත් ඔබ වෙත රැගෙන එන්නටඉතිරිව තිබෙන අවසන් ඇස්ටර් මලෙහිමලානික නිල්පැහැය නෙලන්නටතව වැඩිදුර නොයා මා ...

පළමුවැනි පැදියඅවදිවනු මැන! පලායන්නට සලසමින් තරුවලටනිශා බඳුනෙහි ගලක් හෙලා ඇති හෙයින් හිමිදිරිය.බලනු මැන! පෙරදිග දඩයම්කරු සිටින’යුරු අල්වාගෙනආලෝකයේ මද්දෙන් රජ මැඳුරු කොත. දෙවැනි පැදියහිමිදිරියෙහි වමත අහසෙහි ඇති වෙලේ, සිහිනයක ගැලී සිටි මහට, හඬ නඟන සැටි ඇසිණි කිසිවකු සුරාසල තුළ :“මාගේ දරුවනේ නැඟිටපල්ලා ඉතින්, ජීවිතේ මදිරාව එහි කුසලානයෙන්වියළි යන්නට පළමු පුරවනුය කුසලාන.” තුන්වැනි පැදියසැවුලා හඬලත්ම, කෑගැසුවෝය ඉදිරිපිට සිටියෝ සුරාසල-“එසේනම් විවර කරනුය ...

තම විනිවිද පෙනෙනබව සමඟආලයෙන් බැඳුණු දහවලඅවිනිශ්චිතව ටැග්ගැහෙයියෑම සහ නැවතීම අතරමැද.මුළු ලෝකයම නිසලව නැලැවෙනමුහුදු බොක්කකිය දැන් වටකුරු පස්වරුව.දෘශ්‍යමානය සියල්ලමඑනමුදු අල්ලාගත නොහැකසියල්ලම ළඟ තිබුණදස්පර්ශ කළ නොහැකිය.කරදහිය, පොත, පැන්සල, වීදුරුවසැතපෙයි සිය සෙවණැල්ල යට.මා නළල දෙපසෙහි පුපුරු ගසනා කාලයයළි යළිත් හඬ නගයි රුධිරයේ නොවෙනස් මාත්‍රාව.උදාසීන වූ බිත්තිය, ආලෝකය වැදහැරෙයි අවතාරමය ඡායා රඟමඬලක් බවට.සිටින සැටි පෙනෙයි මා ඇසක් මැදමා දෙසම හිස් බැල්මෙන් බලන.විසිර යයි නිමේෂය. ...

මාගේ රහස කිම්දැයි විමසයි රුවැති ගැහැනුන්රූමත් නොමැත මා නිරූපිකාවක පෙනුම නැත මටඑනමුදු ඒ රහස කියන කලසිතති උහු මා බොරු කියන වග.විදාහළ මාගේ දෙඅත්වලපැතිරුණා වූ මගේ උකුළතඉදිරියට මා තබන අඩිවලකෝපයෙන් ඇදවන දෙතොල්වලකියන්නෙමි ඒ රහස ඇති වග.ගැහැනියකි මා අසිරිමත් ලෙසඅසිරිමත් ගැහැනිය, ඒ මාය.ඇතුළු වෙමි කාමරයකටඉතා සන්සුන් විලසටඇවිද යමි මිනිසකු වෙතඑලෙස සන්සුන්වම.නැගී සිටිනුය පිරිමින්නැතහොත් දණින් වැටෙතියඉන්පසු බිඟු රළක් මෙන් රොද බඳිති මා ...

පරිවර්තන බ්ලොග් අඩවියේ පළවූ ගබ්රියෙල් ගාර්ෂියා මාර්කේස්ගේ “දන්ත වෛද්‍යවරයා” සහ ඔක්තාවියෝ පාස්ගේ “නිල් ඇස්” යන පරිවර්තන කෙටිකතා ඇසුරෙන් කැනඩාවේ විකාශය වන “සවන” ගුවන්විදුලි නාලිකාව වෙනුවෙන් අනුරුද්ධ වැලිගමගේ මහතා නිර්මාණය කළ රේඩියෝ කෙටිකතා පහත සබැඳියෙන් අසන්න. ...

හිරු මඬල වෙත පෙති විදහා ඇරෙනඩේසි කුසුමක් බඳු සොඳුරු වුවනක්යපෙරළන විට පිටුව ඔබ මුහුණත් එලෙසවිවර වෙයි මා දෙසට. අහෝ, සඟරාවේ සිටින රූමතියවසඟ වෙයි ඕනෑම මිනිසෙක්ඔබෙ ඔය මනකල් හිනාවට.කොපමණ කවි ලියැවී ඇතිද ඔබ වෙත?මහ කවියන් කී දෙනෙකු ලියුවේද ඔබ හට?ඔබෙ ඔය උමතු මායාවටඔබ මැවූ විසිතුරු කල්පනාවට එනමුදු නොකියමි එවන්සුලබ, බොළඳ කියුමක් අදඑවැනි සුලබ කියුම් තවත් නැතලියමි මම ඔබට මේ කවිය.මවාගත් ...

භයානක සූනියමක කලු වලාවක් බඳුමා වසාගත් තරු රහිත රාත්‍රිය තුළ,සුසුම්ලන සමුදුරේ මුණුමුණුවසමුගන්නා කල දෙදෙනකු දුකින් වෙලෙවිවනඟන ඉකි භරිත කෙඳිරුම් හඬ වැනිය(අහෝ හමනා සුළඟ දෙන පීඩාව !)මා තුළ ජීවය තෙගුණ කළ ආසාවලින්හෙට දවස ගැන පේන කී සිහිනයෙන්ඈ උදෙසා පැතූ සයුර වන් පැතුමන්වලින්උල්ලසිත දනන් වෙත දුන් සියලු මිහිරැති දෙයින්නිහඬව සමුගනු හැරෙන්නටකළ හැකි අන් කිසිත් නැත මට ඉතින්(අහෝ හමනා සුළඟෙහි ශෝකය!)ඈ පැතූ ...

හිම වැටිණි දිගින් දිගටම මුළු ලෝකය පුරා,වැසිණි වැටෙනා හිමෙන්ලොව එක් කොණක සිට අනෙක් කෙළවර තෙක්.දැවිණි ඉටිපහනක් මේසය මත;දැවිණි ඉටිපහනක්.ගිම්හානයේ ගිනි සිලකට වදින්නට කෝඳුරුවන් රොද බඳිනා පරිද්දෙන්බැහැර මිදුලෙහි හිමපියලිරොද බැඳී කවුළු පියනෙහි වදින්නටකවුළුවෙහි වීදුරුව මත තැනුවේය හිම කුණාටුවඊතල, වක්‍ර ඈ විවිධ වූ හැඩතල.දැවිණි ඉටි පහනක් මේසය මත;දැවිණි ඉටි පහනක්.එළිය කළ සිවිලිම මතවැටිණි විපරීත වූ සෙවණැලි:බැඳුණු අත්වල, හරස් කළ පාවලබැඳුණු ඉරණම්වල ...

සොඳුරු ගමනකි මේ, මනරම්ය ඍතුව. මං මුලාවේයැයි මා කොහේ හෝ හදවතේ බියක් ඇත. සොඳුරු ගමනකි මේ, මනරම්ය ඍතුව. කුසුම්වල සැඟව මේ හිනැහෙන්නේ කවුද ? වසන්තය නොසන්සුන්, ඒ කවුරු හින්දාද ? තැනෙක ගුමුගුමුවකි, තැනෙක සිලිසිලියකි. මිහිමඬල නැටුමක යෙදෙන්නා හා සරිය. පැනනැඟී ගලන මේ ධවල නදියෙහි ගමන පෙම්බරා හමුවට හද ගැහෙමින් යනු වැනිය. මේ බැලුම් සුන්දරය, සුදුවන්ය හාත්පස. සොඳුරු ගමනකි මේ, මනරම්ය ...

හමුවීමු මා පියඹ සහ මම'සැලී' උයනෙහි කෙළවරහිමකුමරියකගේ පා නඟා ඈඇවිද්දේ 'සැලී' උයන පසුකර.තුරු මත කොළ වැවෙන විලසටසෙමෙන් ආලය විඳින ලෙසකියුවාය ඇය මා හට.නමුදු, ‍අනුවණ යොවුනකු වූ මමඑකඟ නුවූයෙමි ඇය සමඟ.ගංතෙර පිහිටි කෙතක් අසසිටියෙමු මා පියඹ සහ මම.නැඹුරු වූ මා උරතලය මතතබා සිය හිමකුමරි හස්තයඉවුරු මත තණපත් වැවෙන විලසටසෙමෙන් ජීවිතය විඳින ලෙසකියුවාය ඇය මා හට.නමුදු, අනුවණ යොවුනකු වූ මමදිවි ගෙවමි ...

ජනවාරි මාසයේ එක්තරා සැඳෑවක, මෝල් මාවත දෙසට දිවෙන ඩේවිස් පාර දිගේ ඇවිදගෙන ආ ජේත්තුකාර තරුණයෙක් චාරිං ක්‍රොස් වීදියට හැරුණේය. ඔහුගේ සිනිඳු හිසකේ දිලිසුණු අතර කොපුල්වල දෙපැත්තේ මනාව වැවූ රැවුළු විය. ඔහුගේ තුනී උඩුරැවුල පැන්සලකින් ඇන්දාක් මෙන් වූයේය. බාගයට පිපුණු ක්‍රීම් පැහැති රෝසමලක් ගසන ලද දුඹුරුපැහැ උඩු කබායක් හැඳ සිටි ඔහු කොළපැහැති ‍ෆෙල්ට් හිස්වැසුමක් හිසෙහි ඇලයට පැලඳගෙන හුන්නේය. ධවල වර්ණ ...

හිස් කරදාසියකි මා දිවියරැඳිණි එය හිස් කරදාසියක් ලෙසටමයම් දෙයක් ලියැවිණිද ඒ මතමැකිණි ඒවා කඳුළු සමගිනඑක් සුළං රැල්ලක් හමා විත්කුසුම් ගිලිහී වැටිණි අත්තෙන්පවනෙහිත් නොව, උයනෙහිත් නොවඑනම් කාගේ වරදක්ද එයසුවඳ පොද සැඟවිණිය සුළඟෙහිඉතිරි නොවිණිය ඉතින් කිසිවක්ගගන සරනා සියොත් කැළටත්ඇත කැදැල්ලක්, මහට නැත එයමාවතක් නැත, දැනුමකුත් නැතමෙමට කොයිබක යන්න වේදැයිසිහිනයක් වී මගියෙකුගෙ හිසරැඳී සිටියෙමි ඔහුත් සමගින චිත්‍රපටය: කෝරා කාගස්z (හිස් කඩදාසිය)- 1974සංගීතය: ...

මේ බලාපොරොත්තු විරහිතබව ඔබේහැරෙනු ඇත අපේක්ෂා බවට එක් දිනෙක...කුමට හඬනුද මේ, කුමක් සිදු වූවදසඵල වනු ඇත ඔබ යැදුම, ඉතින් හඬනුය කිමටමැටියෙන් කළ පහන බිඳී යන්නේ වුවදැල්වෙන කලට එය විහිදුවයි එළියමකඩා හැලෙනා කලට මේ කඳුළු, දිය වුවනැවතුණු කලට ඒ මුතු බවට පත්වේයඇස්වලින් වට ඒ කඳුළු මුතු කැටවස්තුවක් මෙන් එකතු වනු ඇත, නැතිවී නොයනු ඇත.කුමට හඬනුද මේ, කුමක් සිදු වූවදසඵල වනු ඇත ...

මගේ මුළු දිවියමසත්වරක් හස් ඔබා මුද්‍රා තැබූඑකම දිගු රැයක් බවට පෙරලූකඳවුරේ ගෙවූ ඒ පළමු රැයඅමතක නොකරමි කිසිදිනෙක මමඅමතක නොකරමි කිසිදිනෙකඒ දුම්රොටු,නිශ්ශබ්ද අහස යටදුම්රොටුවලට පෙරලුණු සිරුරු හිමිදරුවන්ගේ සිඟිති මුහුණුඅමතක නොකරමි කිසිදිනෙක මමමගේ භක්තිය දවා හළු කළඒ අග්නියෙහි දලුඅමතක නොකරමි කිසිදිනෙක මමජීවිතේ ආශාව මා කෙරෙන්සදහටම තුරන් කළඒ නිශාචර නිහඬබවඅමතක නොකරමි කිසිදිනෙක මමමගේ දෙවියන්, මගේ ආත්මයඅමු අමුවේ මරාමා සිහින අළු කළ ඒ ...