වියතුන්, උගතුන් කියන්නෙ යම් විෂයක් ගැන වෘතිය දැනුමක් ලබා ගත් පිරිසක් නේද? එහෙම ලබා ගත් පමණින් කෙනෙක් බුද්ධිමත් මනුස්සයෙක්ය කියලවත්, සමාජ සුභසිද්ධිය ප්‍රාර්ථනා කරන සහකම්පනයෙන් යුත් පුද්ගලයෙක් කියලවත් කියවෙන්නෙ නෑ කියන එක පැහැදිලි කරන්නයි මේ සටහන ලියවෙන්නෙ. අධ්‍යාපනය කියන දේ දිහා අපි බලන්නෙ ධනාත්මක දෙයක් විදියට. ඒකෙ වරදක් නැහැ. මගෙ අදහස තමයි අධ්‍යාපනයෙන් සාර්ථක වුනත් අසාර්ථක වුනත් කොහොමත් ජීවිතය කියන්නෙ ...

මම ගරු කරන මිතුරෙක් පාසැල්වාදය ගැන මගේ අදහස ප්‍රශ්න කරන පණිවිඩයක් එවා තිබුනා. ඔහුට ප්‍රතිචාරයක් ලියාගෙන යද්දි ඒක හිතුවට වඩා දිග වෙන බව පෙනුන නිසා ලියපු දේ පබ්ලික් දාලා ලින්ක් එකම ඔහුට යවන්න තීරණය කලා. පහළ තියෙන්නේ ඒ සංවාදයයි. සංජය, සාමාන්‍ය පාඨකයෙක් විදිහට ඔයාගේ පෝස්ට් එකක් ගැන මගේ නිකන් අදහස. අර ඉස්කෝලේ ලාංඡනය පච්ච ගහගෙන ඉන්න පෝස්ට් එකේ මම මෙහෙම ...

මම කවදාවත් පිළිවෙලකට හිටිය කෙනෙක් නෙමෙයි. Order එකකට ජීවත් වීම කියන දේ මට කොහොමත් කරන්න ටිකක් අමාරු දෙයක්. මම හිතන්නෙ මේක මගෙ ජීවිතයෙ හැම පැත්තකම වගේ පැතිරිලා තියෙනව. මට දැනගන්න උවමනා යම් දෙයක් ගැන ඉගෙන ගැනීම ගත්තත් මා තුළ කැමැත්තක් නැහැ කවුරු හරි හදපු සිලබස් එකක් තවත් කවුරු හරි මට උගන්නනව ඉඳගෙන අහන් ඉඳල ඒ ආකෘතිය ඔලුවට දාගන්න. ඒ වෙනුවට ...

පිරිමියෙකුයි ගෑණියෙකුයි සංසර්ගය කරලා, මාස නවයකට පස්සෙ මේ ලෝකෙට දරුවෙක් ගෙනල්ලා දාලා, ඒ දරුවා අවුරුදු පහළවක් විස්සක් රැකබලා ගත්තාම ඒ දරුවා ඒ දරුවාගේ දෙමාපියන්ට ජීවිත කාලයටම ණයයි වගේ අදහසක් කවි, ගීත, සංස්කෘතිය වගේ දේවල් වලින් අපේ ඔලු වලට කාවද්දලා තියෙනව. මුළු සංසාර යුගය පුරාවට ගෙවන්න බැහැයි කියන මේ ‘ණය බර’ කියන්නේ මට අනුව නම් ඉතාම ප්‍රශ්නකාරී ආකල්පයක්. මුලින්ම තේරුම් ගන්න ...

ජීවිතය කියන්නේ දෙන ලද, වෙනස් කරන්න බැරි පිටපතක් කියල කියන්න පුළුවන්ද? මුහුණු පොතේ මිතුරෙක් ප්‍රශ්නයක් අහනවා. ඒ ප්‍රශ්නයට මගේ උත්තරය කියනවා නම්, ඔව්. ජීවිතය සමස්ථයක් විදියට සලකපුවම අපිට වෙනස් කරන්න බැරි පිටපතක් තමයි. හැබැයි අපේ මනසේ තියෙනවනෙ ඉතාම දැඩිව ධනාත්මකව හිතන්න පතන්න පොළඹවන නැඹුරුවක් (optimism bias). ඒ නැඹුරුව නිසා සහ අපි ඉන්න තත්වයන් තුළ සැනසෙන්න පුළුවන් විදියට දේවල් අර්ථකතනය කරන්න ...

මට මතකයි මගේ වයස පහළව-දහසය කාලයේ මට ලොකු Backstreet Boys පිස්සුවක් තිබුනා. ඒ කාලෙ මම බැක් ස්ට්‍රීට් ලව ඔලුව උඩ තියාගෙන ඇදහුවෙ නැති ටික විතරයි. AJ පිස්සුව කොච්චර වැදිල තිබ්බද කියනව නම්, ඌ වගේ කරාබු දාන්න, නියපොතු පාට කරන්න, රැවුල වවන්න බැරි එක ගැන මාර අප්සට් එකක් තිබුනේ. හිටපන්කො ඉස්කෝලෙන් අවුට් වෙලා අම්මලවත් බැලන්ස් කරගෙන කවද හරි ලොකු වුනාම ඒ ...

මගේ මිත්‍රයෙක් එක්ක කතාබහකදී මිත්‍රයා හෙළිකලා ඔහුගේ විශ්වයම ගොඬනැඟෙන්නේ ආදරය මත කියන එක. ඔහු කියන්නේ මිනිස් සංහතියම ආදරය මුල් කරගෙන පැවතිය යුතු බවයි. ඒ මතය ගැන කල්පනා කරල බැලුවම මට හිතුනේ ඒක ගොඩක් සුන්දර අදහසක් වුනාට අපි එදිනෙදා සමාජයේ හමුවෙන දහසක් නන්නාඳුනන මිනිසුන්ට ආදරයෙන් සලකන එක ප්‍රායෝගික නැහැ වගේ හැඟීමක්. නමුත් මං හිතන විදියට බොහෝ අවස්ථා වලදි අපිට පුළුවන් අනෙකා ...

තමන්ගේ දරුවන් සියල්ලන්ට තමා එක හා සමානව ආදරය කරන බව අනෙක් අයට කීමටත් තමන්ටම තහවුරු කර ගැනීමටත් අප සැම කැමැත්තෙමු. නමුත් එහි සත්‍යයතාවයක් නොමැති බවත් එය අප විසින් අපවම රවටා ගැනීමට අපටම කියාගන්නා ලස්සන බොරුවක් බවත් අවංකව සිතා බලන්නට සූදානම් කෙනෙකුට තරමක් අපහසුවෙන් වුවද තේරුම් ගැනීමට හැකි යැයි සිතමි. “මම මගේ දරුවො ඔක්කොටම එක වගේ ආදරෙයි. මං කාටවත් කවදාවත් ...

කෙනෙක් තමන් බෞද්ධයෙක් වීම ගැන ආඩම්බර වෙන්නේ කොහොමද? මා අසා ඇති අන්දමට බෞද්ධාගමේ මූලික අරමුණ වන්නේම පුද්ගලයාගේ මමත්වය නැති කිරීමය. මා දන්නා තරමින් ආඩම්බර වීම තරම් මමත්වය වැඩි කරවන තවත් මිනිස් හැඟීමක් නැති තරම් ය. ඉතින්, කෙනෙක් තමන්ගේ බෞද්ධකම ගැන ආඩම්බර වෙයි නම් එහි ඇත්තේ පරස්පරවිරෝදී බවකි. එය හරියට යම් කෙනෙක් තමන්ව මස් කන වෙජිටේරියන් කෙනෙක් කියා හඳුන්වා දීමට සමානය. ...

ඔබ රැකියාව කරන්නේ සිල්ලර කඩයක කියා සිතන්න. නැත්නම් යම් පුද්ගලික ආයතනයක කියා සිතන්න. ඔබ රැකියාව කරන අතරතුර යම් දිනකදී ඔබගේ නොසැලකිල්ල නිසා හෝ ඔබ ගත් තීරණයක් වැරදී යාම නිසා ඔබ රැකියාව කරන සිල්ලර කඩයට හෝ ආයතනයට රුපියල් දහදාහක, පනස්දාහක, ලක්ෂයක, ලක්ෂ පහක පාඩුවක් වුනා කියා උපකල්පනය කරන්න. එසේ වුනා නම් කුමක් සිදුවනු ඇත්ද? එසේ නම් බොහෝ විට ඒ වරදට ඔබට ...

ජෙෆ්‍රි ඩාමර් කියන්නේ අසූව දශකයේ ඇමරිකාවේ විසූ දාම ඝාතකයෙක්. තමන් විසින් 1978 සිට 1991 දක්වා වසර දහ තුනක කාලයක් පුරා තරුණයන් දහ හත් දෙනෙකු ඝාතනය කලා යැයි පසුව ඔහු පාපොච්චාරණය කරනවා. මේ තරුණයන්ගෙන් සමහරුන්ව කපා කොටා ඝාතනය කල ඩාමර් ඔවුන්ගේ ශරීර කොටස් – අත, පය, හිස – වෙන් කොට ශීතකරණයක ගබඩා කොට තබාගෙන තිබෙනවා. ඒ අතර සමහර අයගේ හෘදය වස්තූන් ...

උසාවි දාන භික්ශූන් වැඩිම පිරිසක් ලමා අපයෝජන චූදිතයන්. ඒකෙනුත් වැඩියෙන්ම තමන්ගේම පොඩිනමවල් අපචාරයට ලක් වූ චෝදනා, සැ යු – පහත සටහනේ ආවේගශීලි වචන භාවිතයක් අඩංගුය. “පොඩි දරුවෙක් කැමති වුන පළියට ඒ පොඩි එකාට අරක්කු බොන්න බෑලු… කසාද බඳින්න බෑලු… යුද්ධෙට යන්න බෑලු… වාහන එලවන්න බෑලු… හවස හයෙන් පස්සෙ තනියෙම පාරෙ යන්න බෑලු… කෙල්ලෙක් එක්ක යාලු වෙන්න බෑලු… ඉස්කෝලෙ යන්නැතුව ඉන්න ...

මාධ්‍යය ආයතන විසින් තමන්ව හඳුන්වා ගන්නෙ මහ ජනතාවගේ හඬ විදියට. ඔවුන් කියාගන්නා පරිදි ඔවුන් ජනතාවගේ සුභ සිද්ධිය අරමුණු කරගෙන ජනතාවට සේවය කරනවා ජනතාවට තොරතුරු ලබා දීම සහ ජනතාව දැනුවත් කිරීම හරහා. “ශ්‍රී ලංකාවේ අංක එකේ විශ්වසනීයම ප්‍රවෘත්ති විකාශය” “People’s channel” “සත්‍යයයේ සටහන බුද්ධියේ විමසුමට” සාමාන්‍යයෙන් රටක ජනතාව දේශපාලන දැනුමෙන් සම්බුද්ධික වෙන්නෙත්, නව තොරතුරු සොයාගෙන යන්න උනන්දු වෙන්නේත් (උදා – පුස්තකාල ...

මගේ නගා රාජපක්ෂ දේශපාලනය වන්දනා කරන කෙනෙක්. එයා එක්ක දේශපාලනය කතා කරල මම ඉගෙන ගත්‍ත දෙයක් තියෙනව. ඒ තමා මම නගා එක්ක කතා කරන්න දන්නෙ නැහැයි කියන කාරණය. එයා එක්ක දේශපාලනය කතා කරද්දි මම ගොළු වෙනව. ගොඩක් වෙලාවට මට කට උත්තර නැති වෙනව. ඕනම පුද්ගලයො දෙන්නෙක් යමක් ගැන සාකච්ඡා කරනව නම් ඒ සාකච්ඡාව තේරුමක් තියෙන එකක් වෙන්නෙ, ඒ දෙන්නා අතර ...

ජීවිතය කියන්නේ මුළුමනින්ම සතුටුදායක හොඳ අත්දැකීම් වලින් පමණක්වත් මුළුමනින්ම දුක හෙවත් නරක අත්දැකීම් වලින් පමණක්වත් පිරුණු දෙයක් නෙමේ. පොදුවේ සලකපුවම, අති මහත් බහුතරයක් අවස්ථා වලදී ජීවිතය ඇතුලේ ඉහත කිව්ව අත්දැකීම් දෙවර්ගයම අඩංගුයි. මුලින්ම ඒ කරුණ සඳහන් කලේ, දරුවන් බිහි කිරීම සදාචාරාත්මක නොවන බව කියැවෙන කතිකාවත පදනම් වෙන්නේ ‘ජීවිතයම දුකක්’ කියන පදනම මතය කියල සමහරු වරදවා වටහාගෙන ඉන්න බව පෙනුන නිසා. ...

මම සම්පුර්ණයෙන්ම සෘණාත්මකව සිතන කෙනෙක් ද කියා මම හරියටම නොදනිමි. මා එසේ සිතන්නෙක් ය කියා මගේ සමහර මිතුරන් වරකට වඩා මා හට කියා තිබේ. සමහර විට ඔවුන් කියනා දේ සත්‍යය වන්නටත් පුළුවන. මම සැබවින්ම සෘණාත්මකව සිතන්නෙක් වුනත් මට එය ගැටළුවක් නොවේ. ඒ, මට සෘණාත්මක චින්තනයෙන් ඈත් වීමටවත් මම ධනාත්මක චින්තකයෙකු බව අනෙක් අයට හෝ මටම ඔප්පු කරවාගන්නවත් උවමනාවක් නොමැති හෙයිනි. ...

සිංහල බෞද්ධයා :- “විවාහයට කලින් ලිංගික සබඳතා පැවැත්වීම වරදකි. එසේ කරන්නන්ට නිගරු කිරීම, ලේබල් ගැසීම, කොන් කිරීම, කටකථා ආදිය මඟින් ‘චරිතය ඝාතනය’ කල යුතුය (කාන්තාවන්ට විශේෂයි)”. ඉස්ලාම් මූලධර්මවාදියා :- “විවාහයට කලින් ලිංගික සබඳතා පැවැත්වීම අපරාධයකි. ගල් ගසා ඝාතනය කල යුතුය (කාන්තාවන්ට විශේෂයි).” සිංහල බෞද්ධයා :- “කන්‍යාභාවය යනු මංගල රාත්‍රිය තෙක් රැකගෙන තම පුරුෂයාට පූජා කල යුතු උතුම් දෙයකි” ඉස්ලාම් මූලධර්මවාදියා ...

කාලෙන් කාලෙට කොහෙ හරි දුර්ලභය කියල නම් කරල තියෙන සතෙක් මැරෙනවා, හෝ මරනවා. සියල්ලෝ කම්පා වෙනව. සමහරු ඒ කම්පා වීම සහ කම්පා වන්නන්ගේ ආහාර රටා වල පරස්පරවිරෝදී බව පෙන්නුම් කරමින් ඒ ගැන ප්‍රශ්න කරනවා. එහෙම කලාම කම්පා වන්නන්ට ටිකක් කේන්ති යනවා. සාධාරණයි. මිනිස්සුනෙ. ඒත් ඒ ප්‍රශ්න කිරීමට සාධාරණ පිළිතුරක් ලැබෙන්නෙ නෑ. ලැබෙන්නෙ නැත්තෙ සාධාරණ පිළිතුරක් නැති නිසා. නැත්නම් මොනව කරන්නද?සමහරු ...

සිරිමල් කියන්නෙ යහපත් පුරවැසියෙක්. සිරිමල් මහන්සි වෙලා වැඩ කරනවා. රස්සාව කරන තැන බොස් ඉස්සරහට හම්බුනාම අහිංසක විදියට ‘Good Morning’ කියනවා. බොස්ගේ විහිලු වලට හයියෙන් හිනා වෙනවා. බොස් තමාට සැර කරලා බනිද්දි බිම බලාගෙන ඉවසගෙන ඉන්නවා. අසනීපයකට වුනත් නිවාඩුවක් දෙන්න බෑ කියද්දි මුකුත් නොකියා හැරිලා ගිහින් වැඩ කරනවා. රස්සාවෙන් හැකි තරම් ඉහළට යන්න අධිෂ්ඨානයෙන් කැපවෙලා තමන්ගෙ උපරිම ශක්තිය ඒ වෙනුවෙන් යොදවනවා. ...

අනාගතයේ දවසක, යම් මොහොතක, ඔබට ඔබේ ආදරණීයයාගේ මළ සිරුර දැකීමට සිදුවනු ඇත. අප බොහෝ දෙනෙක් පතන සෞඛ්‍යය සම්පන්න වැඩි ආයුකාලයකින් යුත් දිවියක් ළඟා කරගැන්මට අපට හැකි වුනොත්, එකක් පසුවට එකක් ලෙස අප ආදරය කරන්නන් අප ඉදිරියේ මියයාම දරා ගැන්මට සිදුවේ. එක්කෝ අපට අප ආදරණීයයන් අහිමි වීමට මුහුණ දීමට සිදුවනු ඇත. නැත්නම් ඒ හා සමානම වේදනාවක් ඔවුන්ට උරුමකර දෙමින් ඔවුනට කලින් ...