මේ පළමු වර උද්‍යානය අයිති ඔබට බව පසක් කළ රතු රෝස පෙති සැලෙන්නේ ඔබේ බටනලාවේ තාලයට කානේෂන් පෙති කිහිපයක් තණ කොළ යායක අත් උස්සමින් හොයන්නේ ඔබේ සුසුවඳ මේ උයන ඔබේමයි නැරඹීම මා සතුයි රවුම් සහ අඩ රවුමින් වතුර විසි කරන කරාමය අසා සිටින්නේත් ඔබේ පා හඬ ඒ අය ඔබේ යටහත් ප්‍රේමාතුර මල් පැළ වශී වී වශී වී ඔබ පසුපසින් ...

මළ කෑ යතුරකින් බෙහෙත් ගැල්විය හැකිද පෙම්වත මා සටන් බිමට හැරලන්න ‍තෝමර කඩු සටන් පුහුණු කර යුද වදින්නට යවන්න මිහිරි කාලයකින් වෙන්වන අයුර අසුරු සැනකින් පෙන්වන්න නුවර ගිනි අඟුරු නොපාගා එන්න යටි පතුල් පිරිසිඳුවම ඇවිද එන්න ශුද්ධ වූ දෑතින්ම දිගු කෙස්ස සිඳලන්න පෙම්වත සැදැහැ සිතකින් සටන් බිමට හැරලන්න යුද මැද සිත අත හරින'යුරු පවසන්න මළකෑ යතුරකින් බෙහෙත් ගල්වන්න පපුව ...

කුපිතව ගලා ගිය නයගරා හොඳ වැඩේ ඔහොම ගල් වීම පහර දිදී හුදෙකලා ගල් කුළුවලට වමනෙ ගොඩක් මෙන් වැ‍ටුණා ඔළුවටම වොල්ඩමෝට් මෙන් ඔසවා නැති ඇහි බැමක් උඩට වැනුවේ මැජික් යෂ්ටිය ගල් වෙයන් කියලා ඔහොම්මම හූ...හූ....නයගරා හොඳ වැඩේ ඔහොම ගල් වීම ...

හැව්ලොක් ටවුමට රත්තරං බිත්තර වැටෙන කිකිළියන් කෙකර ගාමින් කහ ඉරිවලින් පනින තඹ කොණ්ඩා බේරා ගන්නැයි කෑ ගසන අව් කණ්ණාඩි අත් ඔසවා ඉරට බැන වදින බොහොම නරකෙට කුඩා කොණ්ඩා ක‍ටුත් හැසිරෙන හැව්ලොක් ටවුමට රත්තරං බිස්ක‍ටුත් වැටෙන සිංහයන් කේසර ට්‍රිම් කරගෙන ට්‍රෑම් කාරයෙන් බසින අශ්වයන් පිට විදුලි වේගෙන් චීටාවන් ද පැමිණෙන හැව්ලොක් ටවුමට රත්තරං පාත්තයෙක් වැටෙන පාත්තයා විත් රත්තරං කාසි වමාරන ...

කැවුම් කොකිස් චණ්ඩීන් මෙන් අපේ ම කම්මුලට ගහන පොල් පැණි කඩ රාක්කවල එකත්පස්ව මුදලාලි ගේ ලෝබ සිතට මෙත් වඩන මුං ඇට කුඩු කරන්නට කට බලියාන මහා යන්තර පෝලිමට පෝලිමට ඒවා ගෙන යන්න මහත්තුරු පැමිණ අවම හැඩයක තාච්චි කරකවමින් තම පුළුලුකුල පොල්තෙල් බෝතලවලට මනමාල බැලුම් හෙළන අම්මා වඩිග ප‍ටුනට මෙන් එහා මෙහා පැන මේ ඔක්කොම එකලස් කරන කාගේත් හිත් නොතලා ...

කිසි විට සීරුම් සහ සුළු තුවාල නොවිය යුතු උස් තැන්හි සිට අනෙකා සිටින පහතට ගල් නොපෙරලිය යුතු අපවාද මල් මාලා ගෙල වටා නොදැමිය යුතු සටන අතරමැද සිප ගැනීමට ඉදිරියට නො ආ යුතු ඉතා දරුණු තුවාල ඇති කළ හැකි බෝම්බ දමා ගැසිය යුතු මරණෙන් මතු සටන නොනැවතිය යුතු හදවත ද සැතකින් කපා අයින් කළ යුතු සටන අතරමැද සිප ගන්න නොසිතිය ...

කුඩා ත්‍රස්තවාදී කෙල්ලක ඉල්ලා සිටීය මාව ඇගේ කදිම සෙල්ලම් බඩුව කරගන්නට කේශ කලාපය මලින් සරසන්නට නිය මත තරු අලවන්නට මුහුණේ වම් පස බෙන් ටෙන් ස්ටිකර අලවන්නට ඈ කියන ගී වෙනත් තාලයකට ගයන්නට කිසිවෙකුට ආදරය නොකරන්නට කුඩා ත්‍රස්තවාදී කෙල්ලක මා එකඟ කරගෙන සිය වතාවක් දිවවිත් මා වැළැඳ ගන්නට ඈ වඩාගන්නට මා පොළඹවන්නට කුඩා කුරුලු පැටවෙකු මෙන් කෑම කවන්නට තවත් දහසක් ...

මම මැජික්කරුවෙකු සමඟ හදිසි ප්‍රේමයකින් බැදෙන මගේ හිත අතුරුදන් කරන්නට හැකි බව මේ උදෑසන ඔහු මට පෙන්වුව තවත් බෝ ඇස්බැන්දුම් ඉදිරියට දැන් ඔබේ වාරය ඔහු මරා මා බේරා ගන්න ...

අපි මිදි යුෂ බොමින් උන්නේ බාගෙට තැනූ නිවෙසක උඩු මහළක සිටය. එතැනට කොහෙත්ම හඳ පෙනුනේ නැත. අඹ ගස්වල හිතුවක්කාර අතුද,පොල් ගස් නයි මෙන් ඇඹරෙමින් අතු වනමින් කරන පිස්සු වැඩ නිසා කිසිම විට හඳ බලාගන්නට අපට නොහැකි විය. එහෙත් හඳට ආදරෙන් අපි මිදි යුෂ බොන්නටම වීමි. සෑම ‍රැහැයියෙක්ම ඒකාකාරී විනෝද ගායනා තරංග ඉදිරිපත් කරමින් මේ හඳේ ප්‍රශ්නය යට ගසන්නට තැත් ...

ඔට්‍ටු සෙල්ලමක් මෙන් විනෝදයක්ද මෙය තිස්තුන්දහක විදුලියක් එහා මෙහා යවන්නට කාරණා සිදු කරන ඔබේ ඔය විදුලි කාර්මික වැඩ ඉවසමින් සනසමින් ඉන්නටම මා පොළඹවන

කාලතුවක්කු උණ්ඩයකින් හදවත කීතු කරගෙන වෙහෙස නිවනා අතරතුර මැෂින් තුවක්කුවකි ඔබ ළඟ වෙඩි තබන්නත් පෙර මට රිදෙන

අපි කොහේ යන්නද සියලු තැන් කිසිම තැන නැති විට බම්බලපිටිය හන්දිය සඟවාගෙන හුන් පොඩි චීන අවන්හල ගලවා එතැන සවිකර වෙනත් දෙය සිසිල දුන් ආනන්ද බෝධිය වටා සවිකර සිමෙන්ති පවුරක අරලිය ගස් බිම බලාගෙන උත්තර කියන්නට බැරිම විට අපට වජිර පාරේ බබ්ල් ක්වීනය අත්හැර ගොසිනි තායි ළඳුන් සේරම ඇලුමිනියම් පු‍ටු මේස ඔක්කොම වීදුරුවෙන්වත් නොබලයි ගාලු පාර දෙස දෙහිවල හන්දියේ නෝ ...

ලාකඩය මුද්‍රාය ගැහෙන හදින් ලියූ පෙම් හසුන මත කවියෙකුට වෙනත් විදිහකට පෙම් කරනු නොහැකිද නොගලවා මෘදුම පිහා‍ටු එකින් එක සියලු තැන සැඟවී තිබෙන

අනිත් අය අතර ඔබ නැති එක සහනයක් වෙන පුංචි මොහොතක කිමිදෙමි මුහුදු පතුළට අතීතය කොහිදැයි සොයන්නට

ශ්‍යාමලී ගෝමස්ගේ නැට්ට තරමකට කොටය. ලේනෙකුගේ පාටින් යුක්තය. ඇස් දිලිසෙන කොළ පාට බැවින් රාත්‍රියට සැබෑ බැබළීමක් සහිතව කොට්ට සහිත පා තබමින් ඇවිදිනු බලන්නට හැඩය. කෙසෙල් ගාල පාමුල පෙම්වතෙකු විසින් ඈට හොර ලියුම් හංගා තබන හෙයින් සෑම රාත්‍රියකම ඒ අසල සැරිසරන්නේ සෘංගාරය මුසු පුරු පුරුවක් සමඟය. ඇගේ පෙම්වතා කවුරුන් විය හැකිදැයි මිසිස් සමරසිංහ සමඟ ඇගේ පුත්‍රයා තර්ක කරන්නට වූයෙන් හාත්පස ...

මගේ දකුණත නිතර ඔබ නිදන්නට කැමති පැත්ත මැදියමේ ඔබ අවදිව පිපාසයි කියන මොහොත අඩ නින්දෙන් ඔබේ උරහිසක් සොයන මොහොත එහෙම දේ සිදු වුණේ කවදාද මට මෙහෙම මතකයක් කොතැනින්ද කුසගිනියි කියා පැණි රසක් සොයන මොහොත වැළැඳ නොගත්තට තරහ වෙන හිමිදිරිය මට එහෙම මතක මොකටද මගේ දකුණතේ ඔබ නිදන තැන හිස් විට කවි ලියන්නට බැරි බවම කියන විට හිතුණේම මට ඇත්තකියි ...

ඕ ‘සර්පයා’ දු‍ටුවේ නොවේ. තෙමේම සර්පයා වූ හෙයින් අන්‍යයෝ සර්පයා දුටහ. කියැවූහ. උකටලීව කල්පනාවට වන්හ. තිස් වසකින් ස්වකීය හැව හැරපියා සාහිත්‍ය සමාජය අභිමුව පෙනී සිටින්නට වූයෙන් කේ.කේ.සමන් කුමාර නම් ඔහු ‘සර්පයකු හා සටන් වැද’,’එසඳ මම බලා සිටියෙමි’ සහ ‘සඳැල්ලෙන් වැටී මිය ගිය ඔවුහු’ නම් වාසගම් සහිතව කෙටිකතා ත්‍රිත්වයක් ලියූ හෙයින් ද,’පිනි අහුරක් ඉහිරුණා’ සහ ‘නේරංජනේ ඉස්නානේ’ නමින් ආන්දෝලනාත්මක නවකතා ...

ඔබ දෙතොල වැ‍රැදීමකින් ගැටී ඇත මගේ කම්මුලක ඒ ඉතා සාමාන්‍ය දවසක ඔබ අන් අයෙකු හා උමතු පෙමක පැටලී හුන් කාලයක හෘද රෝගියෙකු මෙන් හුස්ම ගැනීමේ කලබලයෙන් කුඩා නිවසක කලබල ඉස්තෝප්පුවක මිහිරි අඳුරක තනිව සිටියා මතකයි මට සිරුරෙන් ගලන්නට හැකි සියලු වේදනා කැටිකොට සතු‍ටු බුබුළක් මවා අනෙක් කම්මුලෙන් තබන්නට සිදු විය දැනුදු ඉදහිට ඒ සතු‍ටු බුබුළ හමුවෙයි ඔබේ ළය ඇතුළතින් ...

තෙල් තාච්චියෙන් එළියට බැස මුං අතිරස ගිනි පිඹින මකරුන් මෙන් අත්ත‍ටු ගසන අම්මා සේද රෙදි අතුල හිරමනයක් මත රැජිනක මෙන් අසුන් ගෙන අණ පනත් නිකුත් කරන තෙල් හැන්ද නිදිමතට බිම වැටෙන ගින්දරත් ඕනෑවට එපාවට සුළඟ සමඟ එහා මෙහා යන රාක්කවල හිස් බෝතල ඉගටියෙන් ඇන එකිනෙකාට අමුතු ඉඟි බිඟි පාන කොකිස් අච්චුව ඔසවාගෙන තම සිරුරම පෙනෙන තැන්වල ‍රැදී සිටින රැජිණකට ...

ආදර සිතියම කිසි තැනක ගිනි කඳු ලකුණු කර නැති එහෙත් සියලු තැන ලාවා වැගිරෙන Map of love Map of love without a single volcano marked on yet lava flows everywhere Translated by Himali N.Liyanage