දුවේ මට මතකයි එදා
මව්ගෙ උණුහුමෙ තුරුල් වෙලා
හැඬුවෙ නුඹ මගෙ දෑත් පුරා
සෙනෙහෙ දිය නෙතු තෙත් කළා
ශ්වේත සළු හැඳ මුල් දිනේ
විදු මව්ගෙ තුරුලට ගිය වෙලේ
කොපුල් රතු වී ඉකි ගසා
හැඬුව හැටි මතකයි එදා
දෑතෙ කරගැට එන තුරා
මම කාසි හෙව්වේ නුඹ නිසා
ලොකු විභාගය දිනපු දා
දැනුණා මම දිනුවා කියා
කළු ලෝගුවෙන් නූඹ හැඩ වෙලා
දිනු පදවි සහතික ගන්න දා
සතුටු කඳුලින් බර වුණා
මගෙ චූටි දූ දැන් ලොකු වෙලා
Written By : Pasindu Manod