අපි අපිට පෙම් බැන්ද පලියට හීනයට බෑ පූදින්න

ලියන කවිවල තරම් ආලය සොඳුරු නැති බව පිළිගන්න

ඉතින් ඒකයි දෛවයේ අණ නුඹට බැහැ එය වළකන්න

හැමදේම අහවරයි අද සිට මම යනවා රජු එක්ක සිරියහනේ නිදියන්න

නුඹ තාම පොඩි වැඩියි කොල්ලෝ ජීවිතේ තීරණ ගන්න

ප්‍රේමයක් අතහැරුණු පලියට එපා මීවිත මත් වෙන්න

රෑට හොරැහින් හඳ එබෙයි නම් පැල්කොටේ දොර වහගන්න

ගොම්මන් කළුවරේ තරුවල අපේ මතකය වළලන්න

ගමේ ලස්සන මලක සෝබව නුබට ඇහැකියි විඳගන්න

ඉතින් රූබර කෙල්ලො ඇත තව එයින් එකියක් බැඳගන්න

පුරන් වී යා නොදී කුඹුර ම මතක ඇතුව ම වපුරන්න

ඒ උනත් අපි පෙම් කරපු තැන්වල එපා වල්පැල ගලවන්න

Image Link: https://bit.ly/3nW9ihB