දැන්වත් ඉතින් කොවුලෝ
නවත්තන්න ඔය සවුද
සොයා ගන්නට කාලයයි
කුලියට කාක කැදැල්ලක්
පුපුරයි අසනි නුබ ගැබ
හෙළන්නට මොර ගෙඩි වැසි
සේදිය යුතුය මේ බිම
කූට වෙළෙඳුන්ගේ දූලි කුණු
බහාලනු සෝදා රබාන
කෝඳුරුවන් පිරුණු අටු මත
ගයාලා සුරල් නව පද
FM කොමලියන්නේ සුකුමළ
රත් පැහැ එරබදුව විළි වැද
මියගිය බඳුය කටු මත
මැයි මල් පිපේ තුරු හිස
වෙසඟේ වෙළඳ සිරි ගෙන
කනකර දුලබ අබරණ
කරගල ගගා ක්ෂය වුණ
නෙක නෙක තිළිණ වරද
පුද දෙති බැංකු සුජනන
තුන් කුදුව නැඟ බස් මත
දින සති දුකින් වැළපෙන
Written by; Rukshan Edirisinghe
Image courtesy ; https://bit.ly/2Sna3kA