අත්හළ හැකි ද?
සුසානයක
දළු දැමූ ගසක් යට
වළ දැමූ පමණින් ම
මිහිදන් කළ හැකිද
මතකය
පුන්සරා සඳක් වුව
අමාවක කළුවරක එතෙන
ඉතින් මේ සමුගැන්ම
තාවකාලිකය…
කලාවකාශයේ බොඳව ගිය
හැම හැඟීමක්ව
අළුතින්ම උපදිනු ඇත
පැමිණ සිටියේ නම් ඔබ
නික්ම යා යුතුම ය
යළිත් මෙහි එනු පිණිස
නිදන්නට ම බලකෙරෙන
මේ අන්ධකාර රාත්රිය
බෙහෙවින් දිගුය
මවෙතින් නැඟිට ගොස්
මා සොයා ගත යුුතුය
දළු දැමූ ගසක් යට
වළ දැමූ පමණින් ම
මිහිදන් කළ හැකි ද
ජීවිතය……..
මම කියන විනාස වුන මනුස්සය අස්සෙන් අලුත් මමක් හොයාගන්න පුලුවන් වෙයිද?