තිරය ඇරෙනවා තිරය වැහෙනවා, හැටි එහෙමය. 🙂
මෙය ලියන්නට සිටියේ ඊයේ සවස වුවත් ලියන්නේ දැන්ය. එහෙත් ඊයේ සවස ලිවුවේයැයි සලකා කියවීම වඩාත් උචිත විය හැක. පළ කරන්නේ කවදාද යන්න පිළිබඳ අදහසක් නැත. ලියන්නට යන්නේ හමුව අතරතුර, හමුවෙන් පසුව සිදු වූ සහ සිදුවන්නට ඇතැයි සිතෙන දේවල් ගැනය. තොරතුරු ඇහිඳ ගත්තේ තැන් තැන් වලින්ය.
අපි නැවත ආවේ දුම්රියෙනි. වෙනදා අම්බලන්ගොඩින් බහින ඩැනියා අද බැස්සේ ගාල්ලෙනි. තාරක අම්බලන්ගොඩින් බැස වේදිකාව ඔස්සේ නැවත දුම්රිය මැදිරි කවුළුවක් වෙතට ඇදෙනු දුටුවෙමි, පරීක්ෂණ කටයුතු තවමත් අවසන් නැත. කෙසේ වෙතත් මේ අවස්ථාව වන විට ඔහු ෆොන්ට් සෑදීමට ඉගෙනගනිමින් සිටීමට බොහෝදුරට ඉඩ ඇත. ගාල්ලෙන් බට බනියාට සිදුවූවේ අකරතැබ්බයකි. කොළඹ කොටුව සිට ගාල්ල වෙනුවට බනියාගේ සාක්කුවේ තිබුණේ කොළඹ කොටුව අම්බලන්ගොඩ ප්රවේශ පත්රයකි. කරන්නට දෙයක් නැත. නියමිත මාර්ගය බයිපාස් කර පාලමෙන් එගොඩ වී බනියා සහ කල්හාර විසිර ගියෝය. වෙලාවට පොලිස් මාමලා සිටියේ නැත. වත් අක්කා සහ නගෝද බසයේ නැගී පිටවී යන්නට ඇත. යනකොට අප සමඟ ගිය ඉන්දරේ එනකොට අප සමඟ ආවේ නැත. කීවේ බෝඩිමට යන බවය. ඔහු මේවන විට ඔහුගේ බෝඩිම් සඟයා අතින් කැඩුනු ලැපේ යතුරු පුවරුව අලුත් වැඩියා කිරීමට උත්සහ කරනවා විය යුතුය.
දිවා ආහාරය අවසන සතුටු සාමීචියේදී මම මාරයා අසලටද වීමි. එච්චර අවුලක් නැත. ඡායාරූප වලට පෙනී සිටීම නම් මාරයාට මරණයට වඩා අන්ත වූවා සේය. අවසන ගොඩනැගිල්ලෙන් එළියට මාරයා ආවේද අප සමඟය. ඔහු මෝටර් සයිකලයේ නැගී ඉගිලී යනු දැක වත් අක්කා කීවේ ඔහු මෙවෙලේද පදම් වී ඇත්දැයි සැක සිතෙන බවය.
හමුවට සානුවාද පැමිණ සිටියේය. ඔහුට හොඳට අත්පුඩි ගසන්නට හැක. මා ගෙදර විත් චැට් එකට ලොග් වූ විට ඔහු සිටියේය. දැන් සිටින්නේ කොහිදැයි ඇසූ විට කීවේ තාම ගෙදර යන බවයි. මා ගාල්ලේය. ඔහු කෝට්ටේය. කෝට්ටේ යනු ඩොටේ විය යුතුය. හර්ෂණ පැමිණ සිටියේ මෝටර් සයිකලයෙනි. මෝටර් සයිකලයෙන් කීවාට පල්සර් එකෙනි. එය චීන පල්සරයක් බව පසුව ආරංචි විය.
බ්ලොග්කරණයේ ප්රතිඵළ ගැන උදාහරණයක් ලෙස ලංකාවේ අන්තර්ජාල සපයන්නන් ලබාදෙන වේගය ගැන කතා කරද්දී මලින්ත හනිකට පැත්තකින් නමුත් සභාව ඉදිරියට වී සිට ගත්තේය. මූණු පොතේ පින්තූර අප්ලෝඩ් කිරීම හැර ඔහු ගැන කිසිම තොරතුරක් නැත. මේ ලිපිය සඳහා ඔහුගේ මූණුපොතේ ඇල්බමයකින් පින්තූර ගැනීමට අවසර ඉල්ලා මා යැවූ විද්යුත් ලිපියටද තවම පිළිතුරක් නැත. ඒවා එසේ විය යුතුය. පසුව නඩු දැම්මොත් මට යන්න වෙන්නේ නුවර උසාවිය. නුවර දුර වැඩිය. බාගවිට ඔහු සීනි කෙසෙල් ගෙඩියක රස බලමින් හෝ tea එකක් බොමින් හෝ සිටිනවා වීමටද හැක. තත්වය වඩාත් දරුණු නම් දුම්රියේ කාන්තාවකගේ ඡායාරූපයක් ගැනීමට ගොස් ගුටි කා හිරේ විලංගුවේ වැටී හෝ කැමරාවට ලෙන්ස් එකක් ලබා ගැනීමට කැමරාව උකස් කිරීමට ස්ථානයක් සොයමින් හෝ සිටිනවා විය හැක. කෙසේ වෙතත් ඔහු හිරේ විලංගුවේ වැටී ඇත්නම් jail sucks හෝ එවැනි දෙයක් ට්විටරයේ තිබිය යුතුය. නමුත් එවැන්නක් දැනට නැත.
ගයන්තව අවසන් වරට දුටුවේ කොටුව දුම්රිය ස්ථානයේදීය. හේ වේදිකාව දිගේ දුම්රිය දෙස බලමින් ගමන් කරමින් සිටියේ නැගීමට හැකි දොරක් වේදැයි බලමින් විය යුතුය. ඔහු දර්ශන පථයෙන් ඉවත් වී ගිය නිසා සහ ඔහුගේ දුම්රියට පෙර අප පිටත් වූ නිසා ඔහුට කුමක් සිදු වූවේදැනි නොදනිමි. ඔහු භාණ්ඩ දමන මැදිරියට හෝ පැන ගත්තා විය යුතුය.
අන්තර්ජාල සම්බන්ධතාවයද සීම සහිත හද්දා ඩොටේ (ඩැනියාට අනුව) දෙදෙනෙකුද හමුවට පැමිණීම ගැන සතුටුය. අප ආපසු යන විට එළියේ නතර කර තිබුණේ රෝද දෙක පමණක් නමුත් ට්රැවලින් බෑගයක්ද ඔවුන් සතු වී බව දැනට සනාථ වී ඇත. ඒ අනුව මොවුන් දෙදෙනා ආවෙ හමුවටමද නැතිනම් පැන යන අතර විඩා නිවා ගැනීම සඳහා ගොඩ වූවාද යන්න සැක සහිතය. ඒ හමුවද සිංහල බ්ලොග්කරණයේ ප්රතිඵලයක් බව කාලිංග අයියා සිතයි. කෙසේ වෙතත් ඔවුන් දෙදෙනා නැවත ගම රට බලා ගිය බවට ආරංචියක් නැත. ආවේ වෙන කවුරුත් නොව කුෂාන් අයියා සහ ෆා ද බ්ලෝගීය. මා වැරදීමකින් චැට් එකේ transmission line 1 course work එකක් ඉල්ලුවේ කුෂාන් අයියාගෙනි. ඔහුට එය මතකය.
දිවා ආහාරයෙන් පසු අත සෝදා එහාට මෙහාට වෙද්දී ශාලාවේ කණු අතර හැංගිමුත්තන් කරන කොළු ගැටවුන් දෙදෙනෙක් දක්නට ලැබුණි. ළං වී බලද්දී එකෙකු නම් අඳුනා ගත හැකි විය. ඒ බංදුල රණතුංග මහතාගේ පුතාය. එනෙකා ටිකක් දැක පුරුදුය. හැද සිටියේ SBU ටී ෂර්ටයකි. තවත් ළං වී බැලූ විට ඇඳින්නෙමි. ඒ සුදාය. හේ තවත් මිටි වී ඇත. දිවා ආහාරය සඳහාම පැමිණුනාදැයි සැක සිතූ නමුත් බාගවිට ඔහු ආරම්භයේ පටන් ශාලාවේ සිටින්නට ඇත. තිරයේ අලුත් මොනවත් නැතැයි කීවේ ඔහුය. එයද මෙහි කිවමනාය. ඊයේම (19) යමක් ලියන බව කීවත් ලියන්නේ අදය.
බුද්ධික කෙට්ටු වී ඇත. කීවේ ඩැනීය. හිනාව එදා වගේමය. හර්ෂදේව ආවේ තරමක් ප්රමාදවීය ඒද තනියමය. සින්දු කීවේද නැත. තිළිණ ආවේ enough එකෙන් විය යුතුය. නෝනාගේ ක්රීම් ගා සුදු වී ඇතැයි කට කතා පැතිරුණත් විශ්වාස කිරීම අසීරුය. සාමාන්යයෙන් හමේ ගාන ක්රීම් දත් වල ගාන්නේ නැත. ඒ කිව්වේ කාලිංග ගැනය. නමට අනූ කෑල්ලක් ඇති බව දනිමි. සංසදයේ භාණ්ඩාගාරිකය. ආදායම් බදු දෙපාර්තමේන්තුවෙන් පනිනකන් අවුලක් නැත. පැන්න දාට ලෙඩේය. සල්ලි දී ඇත. රිසිට් නැත. එදාට අපි නැත.
තව කිව යුතුම කෙනෙක් ඇත. ඒ වෙලාය. ඒ කිව්වේ නම “වෙලා”ය. අනුග්රහයට ස්තුති නොකර බැරිය. හොඳ දේට හොඳයි කිව යුතුය. මේ වචන මගේමය වෙන කාගෙවත් නොවේය. මම කල්ප පැතුම් වැලිවිටිගොඩ වෙමි.
මේ ඉන්නේ සෙට් එකය,
අලුත් මුහුණු රාශියක් දක්නට ලැබීම සතුටට කරුණකි. මෙහි කියවුණේ බොහෝ සුළු පිරිසක් පිළිබඳ පමණි. පැමිණි පිරිස විශාලය. deeps ලා msg_malee ලා නැත. නැති අයගෙන් මතක් වෙන්නේම කාන්තාවයන්ය. ඒ ලොකෙ හැටිය.
මලින්තගෙන් තාම පිළිතුරක් නැත. කරන්නට දෙයක් නැත. ඔහුගේ පින්තූර දමන්නට සිදුවේ. නුවර, අවුලක් නැත. මේ දවස් වල නිවාඩුය.අවසන court sucks ය. අනෙත් පින්තූර බනියා සහ සුදාගේය. ඒවාට අවසර ඇත. තවත් බොහෝ පින්තූර මූණු පොතේ ඇත. මේ ලියන මොහොතේ මා එළවා තිබූ සිංඩියට නැවත එක් කළ ඉන්දරේටත් බ්ලොග් url සෙවීමට සහය වූ බනියාටත් තුති පුදකල යුතුමය.
ප.ලි: මෙහි සහ මුණු පොතේ මා විසින් පළ කර ඇති කමෙන්ට්, කියවන්නාගේ මුවඟ සිනහවක් රැදවීම පිණිස මිස කිසිවෙකු හෝ සමූහයකට අපහස කිරීමේ අරමුණින් පළ කරන ලද ඒවා නොවන බව කරුණාවෙන් සළකන්න.
දෙසැම්බර් 20th, 2010 at 11:32 පෙ.ව.
සිරා ලිපියක් 😀
දෙසැම්බර් 20th, 2010 at 1:33 ප.ව.
බොහොම ස්තුතියි කණියො 🙂
දෙසැම්බර් 20th, 2010 at 12:16 ප.ව.
පට්ට! 😀
දෙසැම්බර් 20th, 2010 at 1:34 ප.ව.
🙂 ස්තුතියි
දෙසැම්බර් 20th, 2010 at 12:27 ප.ව.
කික්ම තමයි! 🙂
දෙසැම්බර් 20th, 2010 at 12:30 ප.ව.
අහ්.. මචන් පොඩි කරෙක්ෂන් එකක්.
මේකේ “මරණය” කියන එක “මාරයා (ගේ හෝරාව)” විදියට වෙනස් වෙන්න ඕනේ මං හිතන්නේ, උඹ ‘මරණය’ කියලා අදහස් කරන්නේ http://maranaya.blogspot.com/ නම්.
දෙසැම්බර් 20th, 2010 at 1:44 ප.ව.
බොහොම ස්තුතියි ඉන්දරේ වැරැද්ද පෙන්නල දුන්නට. මම අදහස් කරේ මාරයා (http://ctkumara.blogspot.com/).
වැරැද්ද නිවැරදි කරා. 🙂
දෙසැම්බර් 20th, 2010 at 1:13 ප.ව.
සිරා ලිපිය.. 😀
හර්ෂණගෙ අලුත් පල්සර් එකට චයිනීස් නම දැම්මට මට ෆුට් සයිකලේකින් ඇවිත් නෙලල යයිද දන්නෙ නෑ. 😡
දෙසැම්බර් 20th, 2010 at 1:49 ප.ව.
අවුලක් නෑ. කොහොමද නිකන් චයිනීස් පල්සර් අයිතිකාරයෙක්ගෙන් ගුටි කෑව කිව්වහම. ලෝකෙටම එකයිනේ. කොහොමද නම්බුව.
මොකෝ කියන්නෙ ඉල්ලං කමුද 😉
දෙසැම්බර් 20th, 2010 at 2:01 ප.ව.
@gayantha උබේ ඇග දැක්කම ගහන්න හිතෙන්නෙ නෑ නෙ, දුවන්නයි වෙන්නෙ. අනික අවුලක් නෑ ඔය මොඩ්ල් එක එදා හරි උබ දැකගත්ත නෙ. අනික මට වැඩිය පුස් බයිසිකල් පදින්න බෑ කකුල් රිදෙනව 😛
දෙසැම්බර් 20th, 2010 at 1:22 ප.ව.
නියම ලිපියක්. මේ වගේ ආතල් එකක් ගන්න ආයෙ අවුරුද්දක් ඉන්න වෙනවනෙ……
අර කී බෝඩ් එකට අලවන්න දුන්න ස්ටිකරයනම් ගොඩක් වටිනවා……
දෙසැම්බර් 20th, 2010 at 1:54 ප.ව.
ඒක නම් ඇත්ත. ඊළඟපාර තව කට්ටිය එයි. තවත් එළ.
ඔව් ඒක විජේසේකර අයටනේ. අපි සයුර 🙂
දෙසැම්බර් 20th, 2010 at 1:33 ප.ව.
මටත් තව පොඩ්ඩෙං බනියල කරපු දේ තමා කරන්න වෙන්නේ. ටිකට් නැතිවනේ බැස්සේ.. හික් හික්. ආපහු ඇවිත් ටිකට් එක අරං එලියට පැනගත්තා.
දෙසැම්බර් 20th, 2010 at 1:56 ප.ව.
ආ ඒකද වුණේ?
ඒකමමද වුණේ? බලමුකො තාම පරීක්ෂණ කටයුතු ඉවර නෑ 😉
දෙසැම්බර් 20th, 2010 at 2:01 ප.ව.
අන්තිමට දාල තියෙන group photo එක මමත් මගේ blog එකේ දාගත්තට කමක් නැත්ද?
දෙසැම්බර් 20th, 2010 at 2:12 ප.ව.
අයිතිකාරයනම් මම නවෙයි. ගත්තෙ මලින්තගෙ මූණු පොතේ ඇල්බම් එකෙන්.
http://www.mediafire.com/?xygz0nan4t6kx
මෙතන බලන්නකො. මේ තියෙන්නෙ හර්ෂදේව ගත්ත පින්තූරෙ ඔරිජිනල් එක. ලින්ක් එක දාල තිබුණෙත් හර්ෂදේවමයි, මූණු පොතේ.
දෙසැම්බර් 20th, 2010 at 2:03 ප.ව.
මට පෙනෙනා ලෙස අන්තිමට තාරකයා ටිකට් කතාවක් දමා ලැජ්ජාව වසාගෙන ඇත.. ඇත්ත කතාව නම් ගැනුළමයෙක්ගෙන් නම්බරයක් ඉල්ලා ගැනිමක්ලු.. 😛
අනේ අම්මපා මොකටද බොල තාරකයෝ මගේ ටිකට් එක අරගෙන බැස්සෙ ?
මේ ලිපිය නම් පොල් තරම් වටිනවා 😀 එළ එළැ..
දෙසැම්බර් 20th, 2010 at 2:15 ප.ව.
ඔය එළිවෙන්නෙ.
😀 හැබැයි විකුණන්නේ නම් නැත.
දෙසැම්බර් 20th, 2010 at 2:04 ප.ව.
I wish if I was there 😦
Unavoidable circumstances…………….
දෙසැම්බර් 20th, 2010 at 2:16 ප.ව.
“Unavoidable” නම් ඉතිං මොනව කරන්නද. 2011 දී අපි අනිවා හම්බෙමු. 🙂
දෙසැම්බර් 20th, 2010 at 2:25 ප.ව.
මැස්කා ලිපිය ! මටත් සන්තොසයි අදුනගන්න ලැබීම ගැන
දෙසැම්බර් 20th, 2010 at 4:00 ප.ව.
වම්පස කෙළවරේ මහත් අසරණව සිටින්නේ මාරයා (ගේ හෝරාව)ය
දෙසැම්බර් 20th, 2010 at 4:16 ප.ව.
පින්තූරෙ කැප්ෂන් එක හදන්න බැරි වුණානේ. බොහොම ස්තුතියි පෙන්නල දුන්නට. ඔන්න හැදුව 🙂
දෙසැම්බර් 20th, 2010 at 5:21 ප.ව.
නියම ලිපිය. සුපිරි෴ අයියව අඳුරගන්න බැරිවුනානෙ ;(
* ඉහල කමෙන්ටුව කෙරේ මාගෙ කිසිදු සම්බනධයක් නැත !
දෙසැම්බර් 20th, 2010 at 5:40 ප.ව.
බොහොම ස්තුතියි මල්ලි. කතා කරන්න බැරි වුණාට මූණු පොතේ පින්තූර බලන්නකො. මීටර් වෙයි 🙂
ආපහු හමුබුණාම අනිවා කතා කරමු 🙂
ඔබගේ කමෙන්ටුවේ සඳහන් “ඉහත කමෙන්ටුව” සබැඳියක් නැති නදුන් නැමැත්තෙකුගෙන් ලැබුණු අතර, සබැඳියක් ඇති නදුන්ගේ ඉල්ලීම මත එය ඉවත් කරන ලදි.
දෙසැම්බර් 20th, 2010 at 5:23 ප.ව.
නියමායි…
@Nadun – මමනම් හිතන්නෙ නෑ කාලිංග අයිය එහෙම කරයි කියල අයිය… මොනව උනත් හොඳ මනුස්සයෙක් කාලිංග අයිය කියන්නෙ.. මම ඉස්සෙල්ලම දැක්කෙ එයාව SBU එකේදි. මම එයාව ටෙක්කථා එකෙන් විතරයි දැකල තිබුණෙ.
ස්තූතියි හැමොටම
දෙසැම්බර් 20th, 2010 at 5:54 ප.ව.
බොහොම ස්තුතියි.
ඔබ @Nadun ලෙස සටහන් කර ඇති ප්රතිචාරයට අදාළ කමෙන්ටුව, සබැඳියක් නැති නදුන් නැමැත්තෙකුගෙන් ලැබුණු අතර, සබැඳියක් ඇති නදුන්ගේ ඉල්ලීම මත එය ඉවත් කරන ලදි.
දෙසැම්බර් 20th, 2010 at 7:03 ප.ව.
මෙන්න මූ ලියලා… උඹට හමුවටම එන්න උනා නේ පෝස්ට් එකක් දාන්ඩ හිතෙන්න…
(දවසගානෙ ලියන පොරක් කිව්වෙ ඈ…)
දෙසැම්බර් 21st, 2010 at 4:35 ප.ව.
හෙ හේ හමුවෙන් පස්සෙ පොඩි කික් එකක් ආවා. 🙂
උඹ දවල් හීන බලා වෙනෙකෙකු කී දෙයක් මා කීවා සේ අවබෝධ කරගැනීමට මට කළ හැකි දෙයක් නැත 😛
ඒක නෙවේ දැන් ගෙදරය ඉන්නෙ. මම අහන්නෙ ගෙදර ගියැයි 😉
දෙසැම්බර් 21st, 2010 at 3:39 ප.ව.
පට්ට විත් මැක්සා ලිපිය සහෝ….ආයේ සෙට් වෙමු….
ඇත්තටම සොදුරු මිනිසුන් සමඟ ගතකලු සොදුරු හෝරා කිහිපයක්…..
දෙසැම්බර් 21st, 2010 at 4:36 ප.ව.
ටැන්කූ ටැන්කූ
ආයිත් අහල. අනිවා ආයිත් සෙටෙ වෙමු.
දෙසැම්බර් 22nd, 2010 at 12:02 ප.ව.
maruuuuuu
දෙසැම්බර් 23rd, 2010 at 8:04 පෙ.ව.
🙂
දෙසැම්බර් 23rd, 2010 at 1:25 පෙ.ව.
හත් ඉලව්වට ගහපු කලාබරෙ…
යකඩෝ තවත් මඩ වල ඉවරයක් නැහැනේ…
මෙකනේ මල්ලී කේස් එක..මම අර පහුගිය දොහේ දුම් පරීක්ෂණයට පැස්ටෝල් වැහුවානේ..ඒක හින්දා චුට්ට වෙලාවක් යනකල් පොඩි මිස් එකක් තියෙනවා.
ඉතින් පොඩි ගැස්සිල්ලක් එක්ක තමයි මුලදී යන්නේ..
අපොයි මම රත් කරලා ඉන්න වෙලාවට බයික් එක දිහා ඇහැක් ඇරලා බලන්නේ නැහැ..
අපිට ඉතිං වැඩි දැන ඇදුනුම් කොමක් ඇති කොරගන්න බැරි වෙන්න ඇති..සමාවෙන්ට ඔ්න..අනේ බං එක දවසට කීයක්නං කියලා මතකයේ තියාගන්ටද..මට අන්තිමෙදී එච්චර දවසක් දැනගෙන උන්න ටිකත් පැටලෙන්න ගත්තා..
ඇයි බං ඥාව්වොයි පූසොයි පුරු පුරුවොයි..එකම ජාතියේ සෙට් නෙව බැහැලා හිටියේ…
දෙසැම්බර් 23rd, 2010 at 8:06 පෙ.ව.
මිස් එක දැන්ම හදා ගත්තනම් හරි. නැත්නම් ඔය යන යෑමට ඇගේ කෑලි බෑලි මිස් වෙන්නත් බැරි නෑ. අයියෝ කිසි අවුලක් නෑ. පස්සෙ දවසක කතාබහ කරන්න බැරියැ.
අප්රේල් 25th, 2011 at 1:24 ප.ව.
යකෝ මං මේක අදනේ කියෙව්වේ…. අපූරුයි ඈ… 🙂
අප්රේල් 25th, 2011 at 2:09 ප.ව.
එළ