Just another WordPress.com site

රස කතා මුදු සිනා දෙතොල් මත ඇද තියා
සරා සදත් අද රූට හිනැහේය මා එක්ක
සිනිදු සුදු මල් පෙත්ත පාව විත් දෑල මත
ගී පදත් ගැලපුවා අරුත් පිරි කවියකට

සුදට සුදේ සුදු ඇට්ටේරියා මල් පිපුණ
සුවද ගෙන කිරිල්ලක් නික්මුණා තැනි බිමට
එතී එතී හදවතේ කිතිකැවෙන නුහුරු රස
ඇගිලි තුඩු අගින් ගෙන පැටලේවී නෙත් අගට

සුසුම් මල් පිපෙනවා   සුවද දී  යායටම
කෝකිලයෝ ගී ගයති බක් මහේ සාදයට
කැදැල්ලක් නැතත් හෙට කූඩු වන්නට එකට
තුඩින් තුඩ තබා ගී ගයාවි හදවතට