ගිය වසරේ ආසියාවේ හොදම කොටස් වෙළද පොළ බවට ශ්‍රී ලංකා කොටස් වෙළද පොල පත්ව ඇති බවට ආරංචිය ගෙනාවේ Rise of Lanka වෙබ් අඩවිය යි. ඒක කියවන කොට මගේ මතකයට ආවේ සංඛ්‍යායනය අපට උගැන්වූ ගුරුවරයා ය.
ඔහු කීවේ වරක් ස්විස්ටර්ලන්තයේ විරැකියාව 300% න් ඉහළ ගිය බවත් එතරම් අනුපාතයකින් විරැකියාව ඉහළ ගිය රටක් තවත් නොවූ බව ය. එසේ කියූ ඔහු ඇසුවේ ස්විස්ටර්ලන්තය වාසයට සුදුසු රටක් හැටියට අප සළකන්නේ ද කියා ය. විරැකියාව 300% න් ඉහළ ගිය රටක් වාසයට සුදුසු රටක් හැටියට සැළකිය නොහැකි වේයැයි බොහෝ දෙනෙකු කියා සිටිය හ.
ඊළගට ඔහු කීවේ පසුගිය වසරේ 112 ක්ව තිබූ ස්විස්ටර්ලන්තයේ රැකියා නොලද්දවුන්ගේ ගණන මේ වසරේ 339 ක්වූ බව ය.
අප ගැන අපටම සිනහවෙන්නට සළස්වමින් ගුරුතුමා අපට කීවේ සංඛ්‍යායනයන් කෙතරම් වැරදි මානයන් ගෙනා හැකි ද යන්න ය.
අපේ පන්තියේ ගණන් බැරි සිසුවෙක් සිටියේ ය. ඔහු අපි නිමල් යයි හදුන්වමු. එක වාරයක ඔහුගේ ගණිතයට ලැබුයේ 5 කි. ඊළග වාරයේ ඔහුට ගණිතයට 10 ක් ලැබී තිබිණි. ඔහුගේ ගණිත ලකුණු 100% න් වැඩිවි තිබිණි. ගණන් හොදටම හදන්නට පුලුවන් එකා සරත් ය. සරත් ගේ මුල්වාරයේ ලකුණු ගණන 80 ක් වූ අතර ඊළග වාරයේ ඔහු අනුවක් ගත්තේ ය. ඔහුගේ ගණිත ලකුණු ප්‍රමාණය වැඩිවී තිබුනේ 12.5% න් පමණ ය.
වඩාත් හොද දියුණුවක් ලබා තිබුනේ කවුද?
ආසියාවේ හොදම කොටස් වෙළද පොල අපේ යැයි කියනවිට ඇත්තේ ද මෙවැනි සංඛ්‍යා විජ්ජාවකි. මැජික් බලා සතුටු වන්නට අප කොහොමටත් කැමති ය. සතුටු වෙනවා නම් රැවටිලා වුව සතුටු වීම යහපත් වන්නේ ය. එහෙම බැලුවහම ලංකා රයිස්ගේ සතුටු වීම ගැන කණගාටුවන්නට දෙයක් අපට නැත.
උද්ධමනය ගෙවී ගිය වසරේ 7% ක් යැයි කියන විට අප ගන්නා බඩු 50% සිට 300% දක්වා ඉහළ ගියේ කෙසේදැයි දැන ගැනීමට කැමති අය මැජික් විද්‍යාව හැදෑරිය යුතු ය. වැඩිදෙනෙක් කැමති මැජික් බලා සතුටු වන්නට මිස මැජික් විද්‍යාව ඉගෙනීමට නොවේ. ඒ නිසා මැජික් කාරයින් අපට දිගටම මැජික් පෙන්වනු ඇත්තේ ය.
අපට ඇත්තේ ඒවා බලා සතුටු වීමට ය.
Beyond Frame 
Observer
January 4, 2011
ඇත්තටම කීයෙන් කීදෙනාටද (ප්රතිශතයකටද) ඔය මැජික් තේරෙන්නෙ?
ruwan
January 4, 2011
Yes, That’s very true.
Liberal Lanka
January 4, 2011
We are not the best stock market or the best country is asia. But we are making rapid growth. We must appreciate it
Brantha
January 4, 2011
Exactly! for example, all of us learnt in schools that our main exports are Tea, Coconuts and Rubber. We are making rapid growth by importing coconuts. We have also shown rapid growth in the areas of chicken and eggs. Way to go!!!
riseoflanka
January 4, 2011
ශීර්ෂ පාඨය පමණ කියවා මෙවැනි අඳොනා නැගීම ගැන අප කනගාටු වෙමු. නැවත එම ලිපිය හරි හැටි කියවන මෙන් ඉල්ලා සිටින්නෙමු (http://riseoflanka.blogspot.com/2011/01/2010.html). මෙය පලමුව වාර්ථා කලේ The Economic Times නම් ඉන්දීය වෙබ් අඩවියයි. එපමනක් නොව ලංකාවේ ඔබ කවුරුත් පිලිගන්නා Daily mirror (http://www.dailymirror.lk/news/8742-cse-becomes-best-in-asia.html) අඩවියත් මෙය වාර්ථා කරන ලදී. අපගේ වාර්තාකරනයේදී ඔබ කියන ආකාරයෙ අමුතු සතුටු වීමක් පිළිබුඹු වන්නේ දැයි නැවත කියවා බලන්න. ඒ කෙසේ වෙතත්, සර්ව අසුබවාදී ඔබ (ඇතුලු ඔබේ වරිගේ) අයට සිත් රිදීමක් ඇතිබවනම් පැහදිලිය. එහි කිනම් අරුමයක් ද?
ඔබේ ගණිත පංතියෙ උදාහරණය නිවැරදියි. ඔව්, ලංකාව තවමත් ගණිතයට ලකුනු 10ක් ලබාගත් මැට්ටෙක් වැනිය.නමුත් ඒ මැට්ටා ලකුණෙන් ලකුණ ලබාගෙන හෝ ඉදිරියට යාම ඒ මැට්ටාගේ හිතවතුන්ට සතුටකි.ඔහුව නිතර දිරිගන්වයි. නමුත් ඔහු සදාකාලිකව පන්තියේ අන්තිමයා වනු දැකීමෙන් පහත් වින්දනයක් ලබන්නට ලකුණු පහේ සිට දහය දක්වා යාම නොරිස්සයි, ඔවුන් කුපිතවේ, අපහාස කරයි.
ප.ලි: ඉහත සඳහන් මැට්ටා; මහින්ද, රනිල්, සෝමවංශ හෝ වෙනයම් දේශපාලකයෙක් නොව ඒ මැට්ටා වනුයේ ඔබ හා මා ඇතුලු මුලුමහත් ශ්‍රී ලාංකික ජාතියයි.
beyondframe
January 4, 2011
උද්ධමනය ගැනත් පොඩි පැහැදිලි කිරීම්ක් කරොත් මොකද? ස්ටොක් මාර්කට් එක ගැන නම් අපූරුවට පැහැදිලි වුනා.
riseoflanka
January 4, 2011
උද්ධමණය පිළිබඳ කිසිදු සටහනක් riseoflanka අඩවියේ පලකර නැහැ. කෙසේ වෙතත් අර්ථ ශාස්ත්‍රයෙ හසලයෙක් නොවුනත්, මා අසා ඇති පරිදි උද්ධමනය යනු එදිනෙදා ජනජීවිතයට අවශ්‍ය භාණ්ඩ හා සේවා නියැදියක මිලෙහි වැඩිවීමේ වේගයයි.එනිසා උද්ධමන අනුපාතය අඩුවීමෙන් බඩු මිල අඩුවේ යයි කිව නොහැකියි. උද්ධමනය අසීමිත ලෙස අඩුවීමත් අසීමිත ලෙස වැඩිවීමත් ආර්ථිකයකට අහිතකරයි. සාමාන්‍ය ජනයාගේ ආදායම් තත්වය ඉහලගොස් මිලදී ගැනීමේ හැකියාව ඉහල යනතුරු උද්ධමන අනුපාතයේ අඩුවීම හෝ වැඩිවීමෙන් අරුම පුදුම වෙනසක් ජනතාවට නොදැනේ.
මා වැරදිනම් නිවැරදි කිරීමට අවසරයි.
Kandula
January 4, 2011
2000-2001 කාලයේ ස්ටොක් මාර්කැට් එක ධනපතියන්ගේ සූදුපොලක්, ඕකෙ මිල ගණන් ඉහල ගියා කිලයා දුප්පත් මිනිහගේ බඩකට පිරෙනවාද කියලා අහමින් රූපවාහිනී විවාදවල එවක ආණ්ඩුපක්ශයේ (එජාප ) විවාද කරුවන් නොකවුට් කරපු වීරයෝ තමයි දැන් මේ ස්ටොක්-මාර්කැට් වන්දනාවේ යන්නේ.
පරන ටේප් තියනවානම් දාලා බලන්න මේ වීරයෝ ඒ කාලයේ ස්ටොක් මර්කැට් එක පතුරු ගහපු හැටි දැනගන්න.
Bardo Flanks
January 4, 2011
Stocks are strictly a percentage game. If I invest a million rupees in a diversified portfolio of shares in the CSX, and if the value of my investment goes up by 20% in real terms, I shouldn’t need to worry about the size of the total market capitalisation.
Your comparisons are therefore not applicable.
SL
January 5, 2011
Who are you to disagree with beyondframes, the jack of all trades? (but sadly he is master of none)
මධුශාන්
January 4, 2011
සංඛ්‍යායනය සහ එ අස්‍රිත ගල්මාට්ටු වැඩිපුර මම දන්නේ නැති උනත්(තවම),ලන්කාවට ගල්මාට්ටු සැහෙන්න වැටෙන බවත් එවාගේ හිර වෙන්නේ අපි බවත් මට පෙනේ(අපේ අතා වැනි අයට නොපෙනුනාට)
beyondframe
January 5, 2011
අනේ ඔව්, පරිස්සමෙන්, කුමන්ත්‍රණකාරයො පිරිල. පාන්පිටිවල ඉදලම ත්‍රස්තවාදය අපේ රටට එරෙහි වෙල තියන වෙලාව. ගල්මාට්ටුත් ආවොත් ඉවරම තමා.
මධුශාන්
January 5, 2011
galmattu enna deyak na..
ara aadhaara aadhaara kiya kiya dena naya aragana ape kattiya galmattu dagana ivari…………..
firefox update 1a font encoding awlak wage unicode hariyata wda na eekai singlish walata basse…………..