යාපනයේ ජනතාව බියෙන් හා සැකයෙන් පසුවන බවත් එහි භීතිය රජයන බවත් කියන්නේ අප නොවේ. යාපනය බාර ඇබිත්තයා ය. ඩග්ලස් දේවානන්ද ය. යුද කාලයේ අරුම පාලනයක් ගෙනගියේ යැයි විකිලීක්ස් වලින් ලීක් කරනු ලැබු ඩග්ලස් දේවානන්ද ය. නිල නොවන හමුදාවක් හමුදාවට සමාන්තරව පවත්වාගෙන ගිය දැනටමත් පවත්වාගෙන යනවා යයි කියන ඩග්ලස් ය.
කවුරුත් කියන්නට කලින් මේ කතාව තමාම කියන එක හොද යැයි ඔහුට සිතුනා වත් ද?
නැතිනම් ඔහුට ද අවනත නොවන කල්ලි ගණනාවක් යාපනය තුළ ක්‍රියාත්මක නිසා ඇතිවුණු අසරණ බාවය නිමිති කොට ගෙන එය කීවා ද?
ඒ කුමක් වුව ද මේ වෙලාවේ ඒ බව කීමෙන් ඔහු කර ඇත්තේ ඔහුගේම ආණ්ඩුව පාවා දීමකි. අපට ඇති ප්‍රශ්නය නම් දැන් ඒ ඇරෙන්නට ඔහුට යමක් ඉතිරිවී නැත්තේ ද යන්න ය. ඒ ඇරෙන්නට තවත් ප්‍රශ්න ගණනාවක් යාපනයේ ජනතාව වෙනුවෙන් අසන්නට ද අපට ඉතිරිව තිබේ.
මේ භීතියට වගකිව යුත්තේ කවුද? යාපනයේ ආණ්ඩුවේ පාලනයක් නැත් ද? එය මේ වනවිට පාලනය කරන්නේ කවුරුන් විසින් ද? මේ ගැන කවුරුවත් කිසිත් නොකරන නිසා පාර්ලිමේන්තුවේදී අනාවරණය කරන්නට සිතුනේ ද?
ඒ ප්‍රශ්නවලට පිළිතුරු ඩග්ලස් ලග නැත් ද? ඒවා අසා දැන ගත හැක්කේ කාගෙන් ද?
උත්තර නැති ප්‍රශ්නත් සමග යාපනයේ ජනතාව තව කොපමණ කලක් ජීවත් විය යුතු ද?
(මේ ගැන යමක් කිව හැකි ජගතෙක් මේ සිංහල බ්ලොග් අවකාශය තුළ වෙසෙයි නම් මේ අඩවිය ඔවුනට උත්තර බැදීමට විවෘත ය.)
Beyond Frame 
ගුස්ති ලාල්
January 9, 2011
යාපනයේ මිනිසුන් නම් බියෙන් නෑ සෑර්. පට්ට සනීපෙට ඉන්නෙ. උතුරේ දැන් වසන්තය නෙ. සමහර විට ඩග්ලස් දේවානන්ද බියෙන් සහ සැකයෙන් ඉන්නව ද දන්නෙ නෑ. ආණ්ඩුවෙන් දෙන දෙයක් අරගෙන ඉන්නෙ නැතිව නිකම් ඕන නැති වැඩ කරන්න ගියහම නම් තරමක බයෙන් සැකෙන් ඉන්න වෙනවා නම් තමයි. එයාටත් එහෙම ද දන්නෙ නෑ. කාලෙ ඉවර වෙනකොට ආණ්ඩුවෙන් යන්න හිතෙනව. කාලෙ හොද වෙනකොට ආණ්ඩුවට පනින්න හිතෙනව. ඔක්කොම හොද කාලෙට නරක කාලෙට වෙන දේවල්නෙ සෑර්.
beyondframe
January 9, 2011
අනේ කාලේ වනේ වාසේ කියන්න ඇත්තෙත් ඔය නිසා වෙන්න ඇති ලාලේ.
sinhalaya
January 9, 2011
තෙරුවන් සරණයි,
රංග ජයවර්දන පෙරමුණේ රාළ, සිරි සන්ගබෝදී හා පිටියේ අප්පු එකම කෙනා..
බුදු දහම ව්කෘති කරමින් නව ආරක බුදු දහමක් හදුනවදෙන කොටි හස්තයක්.
සිංහල,දෙමල,මුස්ලිම් ජාතින් අතර ආගමික ප්‍රශ්න ඇතිකරමින් දේශපාලන හෝ කතෝලික ගැත්තන්ට කඩේ යන කෙනෙක් දැයි සැක සහිතය.
මයිත්‍රී බුදුන් යැයි කියාගන්නා පිරිසක්ද සිටි. මයිත්‍රී බුදුන් සැලසුම අසාර්ථක වී දැන් සිංහල – මුස්ලිම් ජාතින් අතර සමගිය කඩා දමන පුද්ගලයෙකු දැයි සැක සහිතය.මනතුංග යැයි කියාගන්නා මෑතකදී මුස්ලිම් වූ බව කියන පුද්ගලයාද සැක සහිතය.
වල් අලියෙකු හිලා කරන්න නම්,හිලා අලියකුම දැමිය යුතු සේ, මෙවැනි පුද්ගලයෝද එලෙස ක්‍රියා කරයි.
සියලු දෙනා ඇස් අර බලත්වා..
beyondframe
January 9, 2011
බොහෝ දෙනෙකුට ආගම යනු කුමක් දැයි දැන ගැනීමට කියවන්න මේ සටහන් දෙකත්
Ritigala Jayasena
January 9, 2011
@beyondframe: ඇත්ත කතා කලොත් ආගම යනු, ඔබ ආගම මෙය නොවේ යැයි කියන දේ මැයි. ලොවේ කොතැනත් ආගම යනු එයම වේ. ආගම මෙසේ යැයි නිර්වචනය කරනවාට වඩා, ආගම මෙසේ නොවිය යුතුය යැයි කීම ඇඟට ගුන බව ඔබ වටහාගෙන ඇත!
beyondframe
January 10, 2011
හොරෙන් වරෝ නොකියා වහෙන් ඔරෝ කියන්නට වෙන අවස්ථා ජීවිතයේ එමට ය!