තොත්තු වලින් ගෙවීම..

අපි වගේම විදේශ රටක සේවය කරන ඇන්තනී අයියා දවසක් තමන්ගේ බිරින්දෑට ලියමනක් ලියනවා-

“ආදරණිය සුනීතා,

සමාව භජනය කරන්න සුදෝ. මේ පාර නම් මට මාසේ පඩිය එවන්න විදියක් නැතිවෙයි. 
ලෝක වෙළදපොළේ අර්බුදය උත්සන්න වෙලා. ඒක අපේ කොම්පැනියටත් සෑහෙන බලපාලා. මම මොනවා කියලා කරන්නද වස්තුවේ?

මේවා උඩ ඉන්න දෙයියොම බලාගන්න ඕනෙ. අනේ අම්මපා.

එහෙමයි කියලා ඔයාට මම නොසලකා අරින්නේ නෑ. මයේ අම්මා. මේ ලියුමත් එක්ක මම හාදු 100ක්ම එවනවා. ඔයාටම විතරයි.

මේ මාසෙට මොනවා හරි ෂේප් එකක් දාගන්න සුදා.. හොදේ?

පෙම්බර සැමියා,

ඇන්තනී..

____________ _________ _________ _________ _________ _________ _________ _________ _________ _________ _

සුමානෙකින්, සුනීතාගෙන් පිලිතුරැ ආදර හසුන ලැබුනා.

දරුවන්ගේ අප්පච්චි,

තොත්තු 100ක් එව්ව එක නම් හරි ෂෝක්. අනේ හරි වටිනවා.

මේ පල්ලයහින් දාලා තියෙන්නේ මේ මාසේ වියදම් ටික. සල්ලි නොතිබිච්ච නිසා ඒවාට ගෙව්වේ ඔයා එවපු තොත්තු වලින්. 

1. කිරිකාරයා කැමති වුනා තොත්තු 2කට මුළු මාසෙම කිරි ටික දෙන්න.

2. ලයිට් බිල් කාරයා මොන දහන්ගැටයක්ද මංදා දාලා ආපහු ලයිට් දුන්නා. තොත්තු 7කින් ෂේප් කරගත්තා.

3. මාසෙ ගෙවල් කුලී වලට තොත්තු හිලව් කරගන්න ගෙවල් අයිතිකාරයා කැමති වුනා.

දැන් ඔන්න තොත්තු 3 ගානේ ගන්න දවස ගානේ මෙහෙ ගාටනවා.

4. හංදියේ කඩේ බංඩි මුදලාලිව නම් තොත්තු වලින් ෂේප් කරගන්න බැරිවුනා සුදූ.

ඒ නිසා එයාට වෙන වෙන දේවල් දෙන්න සිද්දවුනා. (හිතාගන්න පුළුවන් නේ?)

5. අනිත් පොඩි පොඩි වියදම් වලට තවත් තොත්තු 40 ක් නාස්ති වුනා. 

මා ගැන වධවෙන්න ඕනේ නෑ. තවත් තොත්තු 35ක්ම ඉතුරුයි. මේ මාසේ ගෙවාගන්න ඒ ටික හොදටම ඇති.

සල්ලි එවන්න ඔයාට අමාරු නම්, මේ විදියට මම ලබන මාසෙත් කවර් කරගන්නම්. මොකෝ කියන්නේ?

මීට ඔයාගේ පෙම්බර වස්තුව,

සුනී..