මම පමණි
නොහැක කිසිවකුට තනන්නට
දෙවැන්නා
ඡායස්ථ පිටපතකින් මෙන්...
නැත මා ඇඟිලි මුද්රාව
නැත මා හඬන මගෙ කඳුළු
හෝ මා නඟන සිනහව
මා සිහින...
මා තුළම නැඟෙන මියෙන
එනමුදු
හැකිය නළුවකුව
මා නැටුම නටන්නට
මා ගැයුම ගයන්නට
මා සෙමින් මුමුණන
මා තනුව නඟන්නට
හැකිය කැඩපතට
මා ඉදිරිපස හිඳ
ප්රතිරූප නඟන්නට
යළි යළිත්
කහ පැහැති ගුරු පැහැති
මා ඇඳුම් සමග ගෙන
එහෙත්
කිසිවෙකුට නොහැක
ඇතුළු වී මා වතට
මා ම වන්නට
මා හැඟුම හඟින්නට
මා දිවුම දුවන්නට
මා අසන මියැසි නද අසන්නට...
මා මම ම පමණි
ඇවෑමෙන්
මා නඟන හඬ නඟන්නට
නොමැත කිසිවෙක්...
නමුත්
හැකිය ඕනෑම කෙනෙකුට
මා ප්රකෝපිතව
හඬ නඟනු රඟන්නට
මා නඟන ප්රතිරාව නඟන්නට
කැඩපතට හැක ප්රතිරූප තනන්නට
යළි යළිත්
නිල් පැහැති කොළ පැහැති
මා ඇඳුම් සමග ගෙන
සෙවණැල්ල: ජේම්ස් බෙරී - One...
This comment has been removed by the author.
ReplyDeletePlease
ReplyDelete1. Publish the original along side with your adaptation.
2. Remove word verification fro comments.