ගැහැණු දරුවෙක් මල්වර වීමත් රෝගයක්ද?
සෛල දෙකක සංයෝගයෙන් හටගන්නා වූ මිනිස් කලලය ක්‍රමයෙන් වර්ධනය වී අවසානයේ මරණයෙන් විනාශයට පත් වෙයි. මේ මරණය දක්වා වර්ධනය වීම ස්වාභාවික සිදු වීම්ය. ශරීරයේ ඇතිවන වෙනස් වීම් බොහෝ සෙයින් ස්වාභාවිකය. සාමාන්‍යයෙන් ස්වාභාවික නොවූ අසාමාන්‍යව සිදුවන වෙනස් වීම් අපි රෝග වශයෙන් හඳුන්වමු. ඒ රෝගද රෝග නිධාන වශයෙන් තවත් වර්ගීකරණය වෙයි. උදාහරණ වශයෙන් මැලේරියාව රෝගයකි. දිය වැඩියාව රෝගයකි. අධික රුධිර පීඩනය, ඇදුම ආදියද රෝග වශයෙන් හැඳින්විය හැක. නමුත් මිනිස් ශරීරයට සිදුවන ස්වාභාවික වෙනස් වීම් රෝග වශයෙන් හැඳින්වීම තරමකට හාස්‍යජනකය. එසේම එය වැරදි සහගතය. එයින් සිදු වන්නේ ජනතාව මංමුලා කිරීම පමණකි. එය පිලිගන්නා තැනැත්තාද මෝඩ ගණයට අයත්ය. කවුරු කෙසේ කීවත් අසන්නා සිහි බුද්ධියෙන් අසා, යම් කිසි තීරණයකට එළඹිය යුතුය.
අපේ වෛද්‍ය සමාජය නොයෙක් හේතූන් මත සමාජය මුලා කොට ඇත. ඒ බොහෝ සෙයින් වාණිජමය හේතූන් මතය. මෙය සිදුවන්නේ ශ්‍රී ලංකාවේ පමණක් නොවේ. ලෝකයේ සෑමරටකම සිදුවන දෙයකි. මේ සටහන රචණය කිරීමට සිත් වූයේ මේ සටහන කියවූ පසුය.
මෙයින් කිසිම වෛද්‍ය වරයෙක් හෝ වෛද්‍ය විශේෂඥ හෝ මහාචාර්ය වරයෙක් විවේචනය කිරීම මගේ අභිප්‍රාය නොවේ. සිදු වන්නේ කරුණු දැක්වීමක් පමණය. යථාර්තය පිලිගැනීම ඔබ සතුය.
දල වශයෙන් අස්ථියක වැඩීම ඉහත් සඳහන් චිත්‍රයෙන් විස්තර වේ. මෙහි දකුනු පැත්තේ ඇති අස්ථියේ Compact bone වශයෙන් සඳහන් වී ඇත්තේ මේරූ අස්ථියයි. මේ Compact bone යන කොටස තුලද චක්‍රා කාරයෙන් සෑදුනු කැල්සියම් අන්තර්ගත ලවණ සහිත ඉතාමත් ශක්තිමත් දෙයකි. මේ කැල්සියම් ලවණ අස්ථියකටම ආවේනික වූ එක්තරා ව්‍යහයකට අනුව, කුඩා වායු ගෝල අන්තර්ගත රටාවකට සෑදී ඇත. ජීවිතයේ එක් එක් අවස්ථාවන්ට අනුව අස්ථියද වෙනස් වෙයි. අස්ථිය ඉතා තද වුවද අනෙක් පඨක සේම ජීවත්වන පඨකයකි. මේ සියල්ල ස්වාභාවික දේවල්ය. කිසිම රෝගී ස්වභාවයක් මෙයින් පිලිබිඹු නොවේ.
ජීවිතයේ අවසාන භාගය ලඟා වන විට එහි තුල ඇති වායුමය කොටස් වැඩි වීමට පටන් ගනී. ඒ අස්ථියක සාමාන්‍ය ස්වහාවයයි. ඔස්ටියෝපොරෝසිස් කියන්නේ මේ වෙනස් වීමටය, හෙවත්, අස්ථියේ ඇති කැල්සියම් අඩංගු ලවණ හා ඇති වායු ප්‍රමාණය වැඩි වීමටයි.
මේක ස්වාභාවිකව ඇතිවන දෙයක් නිසා රෝගයක් වන්නේ කෙසේද? එසේ නම් දත් ඒමත් ලෙඩක් විය යුතුයි. මල්වර වීමත් ලෙඩක් විය යුතුයි.
යම්කිසි වාණිජමය හේතුවක් නිසා මෙය ලෙඩක් වශයෙන් ලොවට වෛද්‍ය සමාජය මගින් ඇත අතීතයේ හඳුන්වා දුන් බව විය හැකිය. අස්ථියෙක ව්‍යුහයේ වෙනස් වීම් නිසා එය දුර්වල වෙයි. ඒ නිසා අස්ථිය බිඳිය හැක. අස්ථිය බිඳී ගියේ රෝගයක් නිසා නොව අස්ථිය දුර්වල වීම නිසාය. අස්ථි පද්ධතියේ ඝනත්වය මැනීමෙන් මේ ස්වභාවය කොතරම් දුරට විහිදී ඇත්දැයි සෙවීමට නොයෙක් ඉතා මිල අධික මානණයන්ද සොයා ගෙන ඇත. නොයෙක් ඖෂධ වර්ගද ලොවේ ඇත. මේ සියල්ලම නවීන දේවල්ය. ඒවායේ දීර්ඝ කාලීන අතුරු ඵල ගැන තවම සඳහනක් නොමැත. සාමාන්‍ය ව්‍යායාම සහිත ජීවිතයක් ගත කරන්නේ නම් අපේ පැරැන්නන් මෙන් මේ කිසිම අර්බුධයකට මුහුන දීමට සිදු නොවනු ඇත.
සමහර වෛද්‍යවරු මේ ක්‍රියාකාරිත්වයට ඔස්ටියොපොරොසිස් යන නම වැරදි බව හඳුනාගෙන දැන් දැන් මෙනස් නමකින් මේ තත්වය හඳුන්වා දීමට තැත් කරත්. ඒ OSTEOPENIA යන නම් භාවිතයෙනි. එහි දැක්වෙන්නා වූ ප්‍රධාන කරුණ නම් මෙය රෝගයක් වශයෙන් හඳුන්වා නොදීමයි. -Phenia යන නම වෛද්‍ය ලෝකයේ බොහෝ සෙයින් භාවිතා වේ. රුධිරයේ ශ්වේතාණු අඩු වීම Leukopenia වශයෙන්ද ඒවායේ වැඩි වීම Leukophilia වශ්යෙන්ද හැඳින් වේ. මේවා රෝග නොව යම්කිසි රෝගයක ලක්ෂණ පමණක් බව හඳුනා ගත යුතුය. දැනට වර්ෂ ගනනකට ඉහතදී ඔස්ටියොපොරොසිස් වලට පිලියමක් වශයෙන් කාන්තාවන්ගේ හෝමෝනයක් වන ඊස්ට්‍රොජන් භාවිතා කරන ලදී. එයින් පියයුරු වල පිලිකා ආදී ඊට වඩා භයානක රෝග ඇතිවීම නිසා එය වහාම අත් හිටුවන ලදී.
1 comment:
රූප, වේදනා, සඥා , සංස්කාර , විඥාන යන පහෙන් රූප ස්කන්ධය අහෝසි කිරීමට අමුතුවෙන් කළ යුතු කිසිවක් නෑ. ඒක ඉබේම වෙනවා.
නාම (වේදනා, සඥා , සංස්කාර , විඥාන) ස්කන්ධය අහෝසි කිරීමයි නිර්වාණ අවබෝධය
එහෙමද ?
දම්සක් පැවතුම් සූත්‍රයේ තියෙන්නේ බුදුරජාණන් වහන්සේ කොණ්ඩඤ්ඤ භික්ශුවගේ නාමය අහෝසි වූ බවට උදානයක් ප්‍රකාශ කළ බවයි
Post a Comment