මානව ඉතිහාසය පැමිණි ගමන් මග දෙස ආපසු හැරී බලන සමහරු පැමිණි ගමන දෙස සුභවාදී ව බලති. ඇතැම්හු ඒ දෙස අසුභවාදී ව බලති. සුභවාදී ව බලන අය කියන්නේ මිනිසුන් විසින් බොහෝ දේ අත්පත් කර ගෙන ඇති බව ය. මීට දශක දෙක තුනකට උඩ දී රුපියල් මිලියනයකටවත් ගත නොහැකි වූ බඩු කන්දරාවක් අප භාවිතා කරන රු දහ පහලොස් දාහකට වුව ගත හැකි ...

පසුගිය දිනක ගුරුවරියක වසර දෙකකට සිර ගෙට නියම විය. එය කෙළෙසකවත් සතුටු විය හැකි තත්වයක් නොවේ. එය කෝප වී වියරු විය යුතු තත්වයක් ද නොවේ. පාසල දෙස විමසුම් ඇසකින් බලන්නට එය අපට ආරාධනය කර සිටින්නේ ය. අපේ පාසල, ලෝකයේ දියුණු පාසල් සමග සන්සන්දනයේ දී, තවමත් ඉන්නේ හෝඩියේ ය. පාසල ගැන දෙමාපියන්ගේ ද ගුරුවරුන්ගේ ද අදහස් තවමත් තිබෙන්නේ ගෙවී ගිය ...

“බුදු සරණයි“, “තෙරුවන් සරණයි“ යන්න බෞද්ධයන් අතර ප්‍රකට යෙදුම් ය. මෑතකදී බොහෝ බෞද්ධයන්ගේ වත් පිළිවෙත් අතරට, දුරකථන සාකච්ඡාවක් අවසන් කිරීමට පෙර බොහෝ දෙනෙකු කියන බායි වෙනුවට “බුදු සරණයි“ කිම ද එක් ව තිබේ. එසේ කියන විට අදහස් කරන්නේ ද, නැවත හමුවන තුරු සුභ වේවා යන්න අදහස් වන, “ගුඩ් බායි“ යන්න බෞද්ධ වෙස් ගැන්වීමකින් ඉදිරිපත් කිරිම ය. බොහෝ සේ පැහැදීමකින් හා ...

කරුමය කියන්නේ පඩිසන් දෙන එකකට ය. නිව්ටන්ගේ තුන්වෙනි නියමය මෙන්ම එයින් කියන්නේද හැම ක්‍රියාවකටම ප්‍රතික්‍රියාවක් ඇති බව ය. පොඩි පරහකට ඇත්තේ තුන්වෙනි නියමයේ මෙන් ප්‍රතික්‍රියාව එකවරම ඇති නොවීමට ඉඩ හසර තිබීම ය. කරුමය සම්බන්ධයෙන් ඉතාම අසාධාරණ කාරණය ද ඒක ය. පහුවී ක්‍රියාත්මක වන එක ය. 999 ක් මැරූ එකට පඩිසන් දෙන්නට වෙන්නේ අංගුලිමාල නම් මිනීමරුවාට නොව අංගුලිමාල නම් රහතන් වහන්සේ ...

ඉස්සර ෆයිල් කිව්වේ ලිපි ගොනුවලට ය. පස්සෙ කාලෙක ෆයිල් කීවේ පරිගණකයේ ලිපි තැන්පත් කරන තැනක් හඳුන්වන්න ය. දැන් ෆයිල් කියන්නේ මැති ඇමතිවරු කළ වංචා දූෂණ පිළිබඳ කතාන්තර වලට ය. ජේ ආර් ජනාධිපති කාලේ තමන්ගේ මීහරක් ගාල කන්ට්‍රෝල් එකේ තියාගෙන හිටියේ අස්වීමේ ලිපි නමැති කෙවිට භාවිතා කර ගෙන ය. වත්මන් ජනාධිපති තුමා ළග ඊට වඩා ෂුවර් බඩුවක් තිබේ. ඒ ෆයිල් ය. ...

බලය දූෂණයට මග පාදන්නේ ය. අසීමිත බලය සීමා රහිත දූෂණයට මග පාදන්නේ ය. මේ අප අසා ඇති කියමනකි. එහි මුල් කර්තෘ ලෙස සඳහන් වන්නේ ලෝඩ් ඇක්ටන් ය. එහෙත් මේ පාඨය බොහෝ දෙනෙකු විසින් නැවත නැවතත් ප්‍රකාශ කර තිබෙන දෙයකි. බලය තියෙන ඇතැම් ඇත්තෝ ඒ බලය යොදා ගෙන සොරකම් කරන බව මේ රටේ මිනිසුන්ට කවුරුවත් අමුතුවෙන් කිව යුතු නැත. ඔවුන්ගෙන් ...

ගැලවීමේ මාර්ගයක් පාදා ගැනීමට බොහෝ දෙනා කැමති ය. අහුවුනොත් එකම කරුමයක් බවට පත් වෙන හෙයිනි. ගැලවෙන්නේ කුමකින් ද? මුළින්ම තමන්ට ඇති වගකීම් වලිනි. ඒවා නිදහස අහුරයි. හිර කර දමයි. එයින් ගැලවුනහම බරකින් ලිහිල් වුනා වැනි සැහැල්ලුවක් දැනෙයි. දෙවනුව යුතුකම් වලිනි. එය නිතර මතකය අවදිකර හෘදසාක්ෂිය රිදවයි. ඒ නිසාම මිනිසුන් සියළු විද්‍යාවන් අතුරින් වඩාත් ඉගෙනගන්නට කැමති ගැල විජ්ජාව ගැන ය. පුදුමය ...

එක්දහස් නමසිය පනස් ගණන් වල ශ්‍රී ලංකාව ආර්ථිකය අතින් ආසියාවේ දෙවැනි ව සිටියේ ජපානයට පමණකි. එකල ශ්‍රී ලංකාවේ ඒක පුද්ගල දළ ජාතික අදායම ඩොලර් 150 ක්  පමණ වන විට එය කොරියාවේ ඩොලර් 50 ක් පමණ ය. ඒ කොරියාව දැන් අප පසු කර බොහෝ දුර ගිහින් ය. පසුගිය වසර සඳහා සංඛ්‍යා ලේඛන වලට අනුව ලංකාවේ අද දළ ජාතික අදායම ඩොලර් 4,073 ...

දේවාලයට යතත් අපට දෙවියන් හමු නොවේ. හමුවන්නේ එතුමාගේ නියෝජිතයා ය. ඒ කියන්නේ කපු මහත්තයා ය. සාමාන්‍යයෙන් බොහෝ නියෝජිතයන් නියෝජනය කරන තැනැත්තාට වඩා රැස්පොට් ය. ජනතාව නියෝජනය කරන මන්ත්‍රීවරු පමණක් නොව වෙනත් නිලතල නියෝජනය කරන්නන් පවා එසේ ය. කන්තෝරුවේ පියන් – දැන්නම් සිකියුරිටි ගාඩ් – නිලධාරියාට වඩා ගණන් ය. කපුවා එසේ නොවිය යුත්තේ ඇයි? දෙවාලයක කිසියම් දෙයක් නැති වුනොත් කපුවා පොලීසියට ...

මත්ද්‍රව්‍ය වැනි අනතුරුවලින් සමාජය මුදවා ගැනීම සිල්ලර කටයුත්තක් නොවේ. පහසු කටයුත්තක් ද නොවේ. බොහෝ දෙනෙකුගේ මතය නම් එවැනි කටයුතු වලට දැඩි දඩුවම් පැමිණවීම අවශ්‍ය බව ය. එසේ නොකර ඒවා මුළුනුපුටා දැමිම කළ නොහැකි බව ය. බැලූ බැල්මට කතාව ඇත්ත ය. දඩුවම කෙනෙකු කිසියම් අභිචාරයකින් ඈත් කරවීමට සමත් යැයි කියනු ලබන හෙයිනි. එහෙත් බොහෝ දෙනෙකු ඒ නිගමනයට එන්නේ කරුණු සළකා ...

මේ මොණිකා රුවන් පතිරණ කිවිඳියගේ පොතක නම ය. ඇත්තටම ඇය – ගැහැණිය – යෙහෙළියක් ලෙස අප විසින් සළකන්නේ ද? මේ ප්‍රශ්නය ගැන අසන්නට සිතුනේ ඊයේ පෙරේදා සැමරූ උඳුවප් පෝය නිමිති කර ගෙන මතුවුනු සිතුවිලි පරම්පරාවක් නිසා ය. උඳුවප් පොහොය ශ්‍රී ලංකා වාසීන්ට වැදගත් වන්නේ සංඝමිත්තා තෙරණිය විසින් ශ්‍රී මහා බෝධියේ ශාඛාවක් ලංකාවට වැඩම කළේ ද එවැනි පොහොය දිනක නිසා ය. ...

අපි අතීතයට කැමැත්තෙමු. වසර 2500 ක උරුමය ගැන කියන විට සිරුර කෙළින් වී සිත උත්තේජනය වී අපව අමුතුම ලොවකට ගෙන යන්නේ ඒ නිසා ය. අවිනිශ්චිත අනාගතය මෙන් නොව අතීතය අපට ප්‍රශ්න ඉදිරිපත් කරන්නේ නැත. ගොඩ දාන්නට අකමැති මළ මිනී තිබුනොත් මිසක අතීතය හාරා ඇවිස්සීමම විනෝද ජනක ය. අතීතයේ අප්‍රසන්න දේ නැතුවාම නොවේ. එහෙත් ඒවා අපට මග හැර යා හැකි ය. ...

නමය නපුරු යයි නොකියන සමහරුන්ට 13 පෙන්නන්නට බැරි ය. ඔවුන් 13 සළකන්නේ අවාසනාවන්ත සංඛ්‍යාවක් ලෙස ය. මෙහි ආරම්භය යේසුස් වහන්සේගේ අවසාන භෝජන සංග්‍රහය වෙතැයි සැළකේ. කුරුසියේ ඇණ ගැස්වීම තෙක් දිව ගිය ඒ අවසන් භෝජන සංග්‍රහයට 13 ක් සහභාගී වුනේ යැයි කියනු ලැබේ. බැරි වෙලාවත් එදා හිටියේ දොළහක් නම් වැඩේ සෙට් වෙන්නේ දොළහට ය. තලවතුගොඩ වික්‍රමසිංහපුර පටුමං ගණනාවක් තිබේ. 12 වෙනි ...

නිදහස ද අප හුස්ම ගන්නා වාතය වැනි ය. වාතයේ අගය මෙන්ම නිදහසේ අගය ද දැනෙන්නේ එය නැති වූ විට ය. එතෙක් අප ඊට දෙන්නේ කුඩම්මාගේ සැළකිල්ලකි. දේශපාලනයේ යෙදෙන කෙනෙකුට නිදහස කී විට මතක් වන්නේ පෙබරවාරි 4 දා ය. ඒ ලංකාවට සුද්දාගෙන් නිදහස ලැබුණු දිනය ය. එහි අදහස අපේ රටේ කටයුතු අපට ඕනෑ විදිහකට කර ගෙන යෑමේ නිදහස ඉන් පසු ...

සමහරු විශ්වාස කරන විදිහට නමය නපුරු ය. මිනිසුන්ට නපුරු විය හැකි වුව ද ඉලක්කමකට නපුරු විය හැක්කේ කෙසේ දැයි මට නම් තේරෙන්නේ නැත. ඒ සමහර විට මගේ මොළය කුඩා නිසා විය හැකි ය. මොළය අඩු අයට ගණනුත් බැරි යයි කවුදෝ කියනු මා අසා තිබේ. නමය ඉලක්කමකි. ඉලක්කම් අයිති ගණන් වලට ය. ඉලක්කම් වල අවසානය සටහන් කරන්නේ නමයෙනි. ඊළගට එළඹෙන දහයට ...

මහින්ද පැරදුවාට පමණක් වැඩක් නැත. ඔහු නියෝජනය කරන්නාවූ පසුගාමී චින්තනය ද ඒ සමගම පැරදවිය යුතු ය. නැතිනම් සිදුවන්නේ එජාපයෙන් හෝ ජවිපෙන් එසේත් නැතිනම් සන්ධානයෙන්ම මේ පිළිල වෙනත් නම් වලින් නැවත මතුවීම ය. පැරදවිය යුතු පසුගාමී චින්තනයේ ප්‍රධාන අංග කීපයක් පහත දක්වන්නට කැමැත්තෙමි. අපේ සහෘදයන් මේ ලයිස්තුවට තවත් එකතු කරනු ඇතැයි ද මේ ලයිස්තුවේ අංගයන් අපේ විරුද්ධවාදීන් මෙන්ම සහෘදයන් විසින්ම ද ...

ධර්ම චක්‍රයක් විදිහට පෙනෙන සේ සකස් කරන ලද පිටි ඇනුම ගැඹුරු නටන තෙල් තාච්චියක දමා බදින්නේ මොන හිතකින් ද යනු මට හිතා ගන්නටත් බැරි ය. අපි හිතුවාට කොකිස් දේශීය කෑමක් නොවේ. එය ලන්දේසි කෑමකි. ඒ අරුතෙන් ධර්ම චක්‍රය තෙලේ බදින්නට සලස්වා ඇත්තේ ලන්දේසීන් ය. බුදු රුවක් වෙනුවට ධර්ම චක්‍රය යොදා ගෙන ඇත්තේ අපහාසය කෙළින් නැතුව වක්‍රව කරන්නට ය. තෙලේ ...

එකේ (1) වටිනාකම තේරුම් ගන්නට නම් ක්‍රිකට් තරගයක 99 ක් ලකුණු රැස් කර තිබිය යුතු ය. ඒ 99 ක් රැස් කරත් ඉතිරි එක අඩු නම් වාර්ථා පොතට එක් වන්නේ නැති නිසා ය. 99 වැදගත් වන්නේ මෙසේ එකේ වටිනාකම එයින් අපට උගන්වන බැවිනි. ඒ ඇරෙන්නට එහි වටිනාකමක් නැත. 99 න් වඩාත් වැඩ ගත්තේ වෙළෙන්දන් ය. එයිනුත් මගේ මතකයට එන්නේ සපත්තු වර්ගයකි. ...

අම්මප පුදුම වැස්සක් නෙ. දොරේ ගලන්න වහින්නෙ. සේදිලා යනව ඔක්කොම. ඒ අස්සෙ නායත් යනව. පුදුමයකට වගේ වැස්ස ගැන බණින්නට ඇගිල්ල දික් කරන්නට කවුරුවත් නැත. වැස්ස වැටෙන්නේ ඉබේ ය. කර්තෘ කෙනෙකු නැතුව ය. කර්ම කාරකයෙන් ඇර වැස්ස ගැන ලියන්නට බැරි ය. කර්ම කාරකය ටිකක් අමාරු ය. ඒ ලියන්න විතර ය. නැත්නම් ඒ තරම් පහසුවක් තවත් නැත. කර්තෘ කෙනෙකු නැති වුනාම වග ...

කුඩා ළමුන් ආනන්දනයට පත් කරන චරිතයක් නම් කරන්නට යමෙකුට කීවොත් නත්තල් සමයේ නම් ඉදිරියට එන නම නත්තල් සීයාගේ ය. සැන්ටා ක්ලෝස් ගේ ය. අපේ රටේ කුඩා ළමුන් යහමගට යොමු කිරීම සඳහා සම්ප්‍රදායිකව අප ඉදිරියට ගෙන තිබුණේ මීට වඩා බෙහෙවින් කර්කශ චරිතයකි. ඒ ගෝනි බිල්ලා ය. නරක ළමුන් අල්ලා ගෙන යෑමට ගෝනියක් ද රැගෙන ඇවිදින ගෝනි බිල්ලා ය. ඒ බය ...