මොකක්ද මේ CMD ~ ජාවා ලෝකය

මොකක්ද මේ CMD

12:49:00 AM Sri Tech

CMD හෙවත් Command Prompt එක කියන්නේ වින්ඩෝස් මෙහෙයුම් පද්දතියේ එන ඉතා බලවත් උපකරණයක්. අද මම ඔයාලට කියලා දෙන්න යන්නේ Java ඉගෙනගන්න ඉස්සෙල්ලා දැනගන්න ඕනේ CMD කෝඩ් කීපයක් ගැන. මීට අමතරව CMD එක ගැන තොරතුරු විශාල ප්‍රමාණයක් මේ ලිපිය අන්තිමට දාලා තියන ලින්ක් වලට ගිහිල්ලා බලා ගන්න පුළුවන්.

ඔන්න අපි එහෙනම් මුලින්ම CMD එක open කරගන්න ඕනේ. එකට පහත පියවර අනුගමනය කරන්න.

Windows Key එක සමග R කරන්න. ඊට පහත ආකාරයේ box එකක් දිස්වෙයි.

එහි CMD යනුවෙන් type කර Enter කරන්න. ඉන්පසුව පහත ආකාරයට Command Promptඑක දර්ශනය වේවි.

දැන් බලන්න CMD එකේ මොකක්ද සටහන් වෙලා තියෙන්නේ කියලා.

C:\Users\Userගේ නම

මෙනන් මේ විදිහට path එකක් සටහන් වෙලා ඇති. දැන් අපි පියවරෙන් පියවර path එක වෙනස් කරගන්න හැටි බලමු.

Path එක පියවරක් පස්සට ගමු.

මේ සදහා cd.. යනුවෙන් type කර Enter කරන්න. එවිට පහත ආකාරයට path එක පියවරක් පස්සට එවි.

Folder එක තුල ඇති දේවල් මොනවාදැයි බැලීම.

මේ සදහා dir කියන command එක type කරලා Enter කරන්න පුළුවන්. එවිට path එකේ අවසානයට ඇති folder එක තුල ඇති files හා folder මොනවාද කියලා බලාගන්න පුළුවන්.

අලුත් folder එකක් තුලට ගමන් කිරීම.

දැන් අපි බලමු path එකක් ඉස්සරට ගන්න විදිහ. මේ සදහා කරන්න තියෙන්නේ cd<space>floder එකේ නම සටහන් කර Enter කරන්න. එවිට ඔබට dir භාවිතයෙන් ලබාගත් folder ඇතුලට ගමන් කරන්න පුළුවන්.

File එකක් open කිරීම.

dir භාවිතයෙන් ලබාගත් file එකක් open කිරීම සදහා file එකේ නම එක්ස්ටෙන්ෂන් එකත් සමග type කර Enter කරන්න. එවිට අදාල file එක open කිරීම සිදුකල හැක. උදාහරණයක් ලෙස sinhala යනුවෙන් MP3 audio file එකක් තිබේ යයි සිතන්න. එවිට sinhala.mp3 යනුවෙන් සටහන් කර Enter කල හැක.

පාටිෂන් එක වෙනස් කිරීම.

දැන් සිතන්න ඔබට ඔබගේ D පාටිෂන් එකට CMD එක යොමු කරන්න අවශ්‍යයි කියලා. එවිට සිදු කරන්න තියෙන්නේ D: යනුවෙන් සටහන් කර Enter කිරීමයි.

කලින් භාවිතා කල command එකක් නැවත භාවිතා කිරීම.

සමහර අවස්ථා වලදී අපට කලින් භාවිතා කරන ලද command එකක් නැවත නැවත භාවිතා කරන්නට සිදුවෙනවා. ( උදාහරණයක් ලෙස dir command එක) මේ අවස්ථා වලදී එය නැවත නැවත type නොකර Up හා Down Arrow key භාවිතයෙන් එය සිදු කරගැනීමේ හැකියාව තිබෙනවා. තවද මෙය අපි ඉදිරියේදී කතා කරන ජාවා වැඩසටහනක් Run කරන ක්‍රියාවලියට ඉතා වැදගත් වෙනවා.