Sunday, June 22, 2014

ඔබ නීල නෙතු ලඟ ....














ඔබ නීල නෙතු ලඟ 
අසරණයි මා, 
මගේ කවිකම. 
උවම් සොයමි ද කොහේ 
වචන ද 
මගෙන් දුර ඈත විට. 

සුමිතුරු මගේ පන්හිඳ 
අවනත නෑ මට ම ද 
අකුරක් නෑ ලියන්නේ 
කුරුටු ගානවා විතරයි. 

නිඳිගන්නේ කොහොම, 
ඇසිපියා සයනයේ 
යුද වැදුනා පමණයි; 
සුසුම් ලෑවා විතරයි. 

නෑ හිතේ තරහක් 
හැංගුනාට සඳ කොමලිය 
සුදු වලා සේද‘තර 
සොරා යමි මේ අහසින් 
මගේ ම විශ්වයට ඈතට 
වසන්තයේ එක දවසක 
හොවා මා දෝත‘තර 
ඔබේ රූ මී අමා  
පුරා බොමි මා නෙතු විත. 

1 comment:

  1. ලස්සනයි.. අපි කවුරු කවුරුත් ඔය නෙතු ලගදි අසරණයි තමයි..

    ReplyDelete

මා මෙන් ම සිතන පතන මිනිසුන් පිරිසක් තවමත් හුස්ම ගනිමින් සිටිනවා යන හැඟීම පමණක්, මේ ජීවිතයෙන් හා ලෝකයෙන් පලායෑමේ චේතනාවෙන් මා මුදවාලන එක ම නිදහසට කරුණයි. මා ඔබ මත විශ්වාසය තබමි.