Monday, November 16, 2015

ඒ කෙල්ල

ඔව් මමයි ඒ කෙල්ල
විහිලුවට පද හදපු
පද වලින් පදමට හැදුන
හිත හොද කමට අත පාපු
මෝඩ කෙල්ල
බොරුව ඇත්ත කරන
ඇත්ත බොරු කරන
මුලාවට රැවටුන කෙල්ල
කප්පරකට හීන මවලා
හීන අතරේ පණ අදින
මල් මල් ලෝකේ
ගල් වලින් ගුටි කාපු කෙල්ල
රොන් ගන්න ආපු බබරගේ
විස වැදිලා මැරුනු
විස විසෙන් නැති කරපු
පොළොවේ පෑගෙන කෙල්ල
පාරේ දිගේ ඉබාගාතේ ඇවිදින
ජීවිතයට හුස්ම දෙන්න හිතන්
ගිය පාරෙ අතරමං වුන
මගක් හොයන කෙල්ල
ජීවිතෙ තැනක හිර වෙලා ඉන්න
ලැබෙන දේට වඩා
නොපෙනෙන නොදැනෙන
නොලැබෙන දේට
ආදරේ කරන
අමුතු ජාතියේ කෙල්ල
නාහේට නාහන හිතට
බොරු කරලා
ඇතුලේන් මැරි මැරි ඉපදෙන
මමයි ඒ කෙල්ල

ලියා එව්වේ - කල්හාරි

4 comments:

  1. කවිය ලස්සනයි ඒ කෙල්ලේ...........

    ReplyDelete
  2. කල්හාරි කෙලීගෙ කවියත් හරි අගේ නෙව කෙල්ලෙ..
    හෙහෙ...
    අපූරුයි අපූරු අදහසක්...

    ReplyDelete
  3. බොහොම ස්තූතියි හැමෝගෙම අදහස් සහ දිරි ගැන්වීම් වලට
    - කල්හාරී

    ReplyDelete


Related Posts Plugin for WordPress, Blogger...