සුභ පැතුම හා ඇරඹුම

සිරි ලංකාව තුල යමක් කළහැකි හා කිරීමට උවමනාව ඇති ,හොර බොරු නැති චකිතයකින් සැකයකින් තොරව ගරු කළහැකි ජනතා නායකයින් සිටිනම්  ඒ අල්පයකි.එම නම් ලයිස්තුවේ මුලින්ම රැඳෙන නාමය ඔබතුමා බව අවිවාදයකි.ඉතිං එවැනි තත්වයක් උඩ මහජනතාව වශයෙන් එදිනෙදා අපට හමුවන ගැටළු හෝ නැගෙන අදහස් පැවසිය හැක්කෙක් වෙත්නම් ඒ ඔබතුමා නොවනේද.

      විවිධාකාර පරාජයන් රාශියක් අවසන ලද ජයග්‍රහණය ජනතා ජයක් කිරීමට ඔබට අවශ්‍ය බව සෑම තැනෙකම කියැවෙන්නකි.නමුත් එය එසේ සිදුකරත්දී නැගෙන බාධක අප්‍රමාණ වේ.මේ අපහසු කාර්යය ඔබතුමන්ට පමණක් කල හැකි දෙයක් නොවේ.අලුත ඉපැදෙන්නට ඉන්නා කිරිකැටියාගේ සිට අද්දැකීම් පිරි මහළු මිනිසා දක්වා සියලු ලංකා වාසීන්ගේ සහයෝගය නැත්තේද ඔබේ උත්සාහය වතුරේ යනු නොඅනුමානයි.

   ගරු අගමැති තුමනි,ලද ජයග්‍රහණයට හදවතින්ම සුභ පතමි.එමෙන්ම සිරි ලංකාව සැබෑම සිරි ලංකාවක් කිරීමට ඔබ යන ගමනට ඉදිකටු තුඩක ප්‍රමාණයකින් හෝ දායක වීම මෙම ලිපි වලින් බලාපොරොත්තු වෙමි.ඔබට මේ ලිපි කියවන්නට ලැබෙතැයි කිසිදා නොසිතමි.නමුත් එසේ ලැබුනොත්,මේ ලිපි ඔබ හීන මවන සැබෑම අසිරිමත් ලංකාවක් කෙරෙහි ගමනට ඉහත කීවාක් මෙන් අදිකටු තුඩක හෝ සහයක් වෙතැයි අපේක්‍ෂා කරමි.

            ලිපි කියවන ඔබ ඔබේ අදහසත් එකතු කිරීමට කාරුණික වන්න.ගල්,මල් මඩ සියල්ල සතුටින් බාර ගනිමි.ස්තුතියි.