මේ සම්බන්ධයෙන් වැඩිදුරටත් ඒ මහතා කරුනු දැක්‌වූයේ මේ අයුරිනි.
"අප එදිනෙදා ජීවිතයේ දී භාවිත කරන විවිධ රසායනික ද්‍රව්‍ය අඩංගු නිෂ්පාදන බොහොමයක්‌ තිබෙනවා. මේ නිෂ්පාදනවල ඝන ද්‍රව්‍ය, ද්‍රව තත්ත්වයේ පවතින ද්‍රව්‍ය හා වායුමය ආකාරයේ රසායනික ද්‍රව්‍ය වගේ ම මුහුණේ ආලේප කරන ද්‍රව්‍ය අඩංගු වෙනවා. මේවා එකිනෙකට වෙනස්‌ වූ රසායනික ගුණාංගවලින් සමන්විතයි. මේ නිෂ්පාදන තුළ කෘත්‍රිමව නිෂ්පාදනය කළ සංයෝග වගේ ම ස්‌වාභාවිකව නිස්‌සාරණය කරගත් රසායනික සංයෝග ඇතුළත් වෙනවා."
ඉන්දියාවේ Societe Generale de Surveillance හෙවත් SGS ආයතනයටයි අපි පරීක්‌ෂාව පිණිස නියෑදි යෑව්වේ. විදෙස්‌ ආයතනයක්‌ තෝරා ගත්තේ වඩාත් නිවැරැදි ප්‍රතිපල ලබා ගැනීම සඳහායි. මේ නියෑදි පරීක්‍ෂාවට ලක්‌ කළේ පරමාණුක අවශෝෂණ වර්ණාවලිය තුළිනුයි. එයින් ලැබෙන ප්‍රතිපල නිවැරැදියි. මෙහි දී අපි මේ ආලේප ක්‍රීම්වල රසදිය හා ඊයම් තිබේ ද යන්නයි පරීක්‍ෂා කළේ. රසදිය කවර හෝ ප්‍රමාණයක්‌ මෙවැනි ආලේපන ද්‍රව්‍යයක තියෙන්න බැහැ. එහෙත් බොහෝ ආලේපනවල රසදිය ද තිබුණු බව අනාවරණය වුණා. (මේ පිළිබඳ සවිස්‌තර ලිපියක්‌ ඉදිරි විදුසර කලාපයක පළ වේ). අපට මේ ද්‍රව්‍ය භාවිත නො කර විකල්ප ද්‍රව්‍ය භාවිත කිරීමෙන් යහපත් ප්‍රතිපල ලබාගන්න පුළුවන්. අපි නිවසේ වාතය පවිත්‍ර කරන්න විවිධ පවිත්‍රකාරක භාවිත කරනවා. මේවායින් නිකුත් කරන රසායනික ද්‍රව්‍ය නොදැනුවත්ව ම ශරීරගත වෙනවා. ඒ වෙනුවට සැවැන්දරා මුල්, මදගින්නේ තැම්බූ කුරුඳු හා කරාබු නැටි භාවිත කළ හැකියි. පවිත්‍රකාරක වෙනුවට බේකින් සෝඩා කෝප්ප 2/3ක්‌ ඇමෝනියා කෝප්ප 1/4ක්‌ සහ විනාකිරි කෝප්ප 1/4ක්‌ උණු වතුර ගැලුමකට මිශ්‍ර කර භාවිත කරන්න පුළුවන්. බිම ඇමදීමේ දී මේ ද්‍රාව්‍යයෙන් පිසදැමීම කළ හැකියි. පිත්තල ඔප දැමීම සඳහා විනාකිරි ලුණු සහ පාන්පිටි එකට දමා සාදාගත් පල්පය භාවිත කරන්න පුළුවන්. මෙහි දී කළ යුතු දෙයක් තමයි මේ පල්පය ආධාරයෙන් පිත්තල භාණ්‌ඩ ඔප දැමූ පසු සෝදා හැරීම. අපි හැකි තරම් එදිනෙදා ජීවිතයේ දී විෂ රසායනික ද්‍රව්‍ය වෙනුවට ස්‌වාභාවික ද්‍රව්‍ය භාවිතය හුරු වීමෙන් දිගු කාලීනව මේවාට නිරාවණය වීම නිසා ඇති රෝග තත්ත්වයන් ගෙන් ආරක්‌ෂා වීමට හැකියාව ලැබෙනවා. පිළිකා වැනි රෝග තත්ත්ව, වකුගඩු අක්‌මා වැනි ඉන්ද්‍රියන් ආබාධ සමෙහි ඇති වන ආබාධ මෙවැනි රෝග අතර ප්‍රධාන වෙනවා. මේ හැරුණම නිවසක්‌ තුළ භාවිත කරන විෂ රසායනික ද්‍රව්‍ය අඩංගු නිෂ්පාදන රාශියක්‌ තිබෙනවා. තීන්ත දිය කිරීමට ගන්නා තිනර්, සේදුම්කාරක ද්‍රව්‍ය, මදුරු දඟර, විවිධ කෘමි නාශක, පරණ බැටරි, CFL විදුලි පහන් වගේ ම ටියුබ්ලයිට්‌ ද මීට අයත්."
උපුටා ගැනීම
අමල් උඩවත්ත (විදුසර) (http://www.vidusara.com/2012/12/12/news1.html)
hane manda ...
ReplyDelete