Blogger Tricks Blogger Tricks

Sunday, March 22, 2015

පිරිත 2015




දිග කොට මැන මැන 
කපපු ඉරපු ලී 
තට්ටු හතරක් උස්සන් 
නැගපු බැහැපු 
ලී වලට පණ දෙන්න 
ඇණ ගහපු ගලවපු 
තිර රෙදි ඇදපු 
සති දෙක තුන එක දිගට 
කැම්පස් එකට සෙට් වෙලා 
හීන දැකපු අපේ පිරිත ...

 උපරිමෙන් කරන්න  
නොකරපු දෙයක් 
නැතිතරන් කියලා හිතෙද්දි 
කරපු දේවල් රූප පෙළක් වගේ 
මැවෙනවා ඇස් ඉස්සහරහම..
අඩුපාඩු ගෙන්න කඩේ දුවපු
සල්ලි මදිපාඩු වහන්න 
පැය ගණන් පාරවල් වල 
පෑන් විකුනපු 
දවල්ට කන්න හවසට ගියපු 
කාලයක් තිබ්බා අපිටත් ...

හිතාගන්න බැරි තරම් 
සුපිරියට අපේ ඇස් ඉස්සරහම 
සිත්තම් වෙද්දී 
හිත නටපු හැටි මතකයි දැනුත් 
බවනේ තියන් රිජිෆෝම් කපපු 
කැටයම් නෙලපු සායම් ගාපු
හැමෝටම මග කියන තොරණ 
රජෙක් වගේ නැගිටිද්දී 
කැටයම් දිලිහෙද්දී 
සතුටුයි හදවතින්ම ..

මග දිගට ලයිට්වැල් 
දිලිහෙද්දී මැදියමට  
දැල්වුණු  පහන් වල
තෙල් නොහිඳුනාද මන්දා 
පිරිත අහවර වෙනකන්ම..
ඇස යොමන යොමන 
සිව් දෙසම  දිදුලන 
පාරාදීසයකි අද ..
අඩුපාඩු නොවෙන්නට
එකා මෙන් වෙහෙස උණු 
කාලයේ අවසනදි 
කඳුළු ඇස් තෙමනු ඇත 
අපිටත් නොදනිම..

පඩි පෙළ දිගට කැටයමට 
එළිය දෙන පහන් දැල්වුණු
සිරිය වඩවන්න  
නෙලුම් මල් පිපුණු 
පුන්කලස් දොරටු ළඟ ..
වලාකුළු බැමි ලඟින් 
කරඬුවේ මණ්ඩපයට ..
පිය නගද්දී හෙමිහිට 
තුන් දොහක් නිදි වරන් 
ගත්තු මහන්සිය 
මල්පල ගනිද්දී 
දිලිහෙමින් රැස් නැගුණු 
මණ්ඩපයයි 
අපේ හද නවාතැන ..

-UCSC අපි-
  



4 comments:

  1. පොදු වැඩ වලට ජයවේවා

    ReplyDelete
  2. මේක කියවද්දී තාමත් ඇඟේ හිරිගඩු පිපෙනවා මචං....

    ReplyDelete

හිතුනු දේ කුරුටුගාලා යන්න.... ඒ නැතත් කඩයිමට ගොඩ වුනාට ස්තුතියි....