ජනාධිපතිවරණ උණුසුම පවතින කාලේ ගොඩක් දේශපාලඥයෝ උත්සහ කරන දෙයක් තමයි පාවෙන චන්ද තමන්ට හා තමන්ගේ පක්ෂයට ලබාගැනීමට. මොකද පාවෙන චන්ද කියන්නේ පවුල් පසුබ්මින් හෝ වෙනත් ආකාරයකින් එක් පක්ෂයක් සඳහාම චන්දය පාවිච්චි නොකර රටේ පවතින වාතාවරණය අනුව භාවිතා කරන චන්දයි. ඉතින් මේ පාවෙන චන්ද ඉතාමත් තීරණාත්මකයි.
ජනාධිපතිවරණය දවසේ සිරිපාල චන්ද පොලට පිටත් උනේ කාටවත් චන්දය නොදී එන්න හිතාගෙන.. සිරිපාල කියන්නේ එදා වෙලා හම්බ කරගෙන කන නුගත් ගැමියෙක්. චන්ද පොලට යන අතරේ චන්දරේ කියල ආණ්ඩුවට කඩේ යන පුද්ගලයෙක් මුණ ගැසුනා. සිරිපාල හා චන්දරේ අතර සිද්ධ උනේ මේ වගේ කතා බහක්.
චන්දරේ - සිරිපාල උදෙන්ම චන්දේ දාන්න යනවා වගේ..?
සිරිපාල - ඔව් සර්. චන්දෙ දාල හරමානිස් මාමගේ කුඹුර මඩවන්න යන්න ඕනේ..
චන්දරේ - කාටද මේ පාර චන්දෙ දාන්නේ?
සිරිපාල - කාට දුන්නත් අපට වැඩක් නැහැ සර්, ඒක නිසා කාටවත් දෙන්නේ නැහැ..
චන්දරේ - අයියෝ සිරිපාල හරි අපරාදයක් නේ. අපේ ජනාධිපතිතුමන්ට චන්දේ දෙන්නකෝ..
සිරිපාල - මට වැඩක් වෙන්නේ නැහැ නේ..
චන්දරේ - හරි උඹ මහින්ද මහත්තයාට චන්දෙ දාපන් මම උඹට රුපියල් 1000ක් දෙන්නම්. උඹ දාල ඇවිත් මාව හම්බවෙයනන්. හැබැයි බොරු නම් කරන්න හදන්න එපා මාත් එක්ක.
සිරිපාල - අනේ සර්, 1000ක් දෙනවානම් අනිවාර්යයෙන් මම මහින්ද මහත්තයාට චන්දේ දෙන්නම්.
චන්දරේ - හරි දාල වරෙන්කො මාව හම්බවෙන්න..
(සිරිපාල චන්ද පොලට යයි)
පැයකට පසු...චන්දරේ හමු වන්න යයි..
චන්දරේ - සිරිපාල වැඩේ හරිද?
සිරිපාට - හරි සර් මහින්ද මහත්තයාට චන්දෙ ගැහුවා.
චන්දරේ - මට උඹව විශ්වාස නැහැ..
සිරිපාල - සත්තමයි සර්... මහින්ද මහත්තයාට දැම්මේ..
චන්දරේ - උඹ කොහොමද ඔප්පු කරන්නේ..
(සාක්කුවට අත දමා කොලයක් එලියට ගන්නා ගමින්...)
සිරිපාල - මම හිතුවා සර් ඔහොම කියයි කියලා. මෙන්න බලන්න සර්... මම මහින්ද මහත්තයාව තමයි ලකුණු කලේ.
චන්දරේට හිනාවෙන්නද අඬන්නද කියා හිතා ගත නොහැකි විය
No comments:
Post a Comment