ලාංකීය වෙබ් අඩවි රැසකට සයිබර් ප්‍රහාර ~ VITS Skylight

අප්‍රේල් 15 සහ 16 යන දිනයන් හි දී ශ්‍රී ලංකා රජයේ නිල වෙබ් අඩවි කිහිපයකට සහ තවත් ශ්‍රී ලාංකික වෙබ් අඩවි රැසකට ම සයිබර් ප්‍රහාර එල්ල වුණි. #OpSriLanka නමින් හැඳින්වුණ මෙම ප්‍රහාර මාලාව සංවිධානය කර තිබුණේ Shawdow Force සහ Sri Haxor යන නම් වලින් හඳුන්වා ගත් ඉන්දියානු hackersලා දෙදෙනෙකු විසිනි.

ශ්‍රී ලංකා රජය විසින් යුධ අපරාධ සිදු කල බවත්, දමිළ ජනයා ඝාතනය කළ බවත්, යුධ සමයේ දී යුධ මුක්ත කලාපයට ගුවන් ප්‍රහාර එල්ල කල බවත් පවසමින් ඔවුන් එයට විරුද්ධත්වය ප්‍රකාශ කිරීමක් වශයෙන් මෙම සයිබර් ප්‍රහාරය සිදු කල බව ප්‍රහාරයට ලක් වූ වෙබ් අඩවි රැසක ම ඔවුන් විසින් සඳහන් කර තිබුණේ ය.

ප්‍රහාරයට ලක් වූ වෙබ් අඩවි වල දිස් වූ එම පණිවිඩය මෙසේ ය,

This is a part of the joint event that we are conducting #OpSrilanka (April 15-16).
We will Speak against your government's AirStrike on the "NO FIRE ZONE" !
We will Speak against the attrocities committed by Srilankan Army on innocent Tamil population !
We will Speak against the War Crimes committed by your government!
We will Speak against the Genocide committed by Your Government !
stop this !!!!!

මෙම ප්‍රහාරයට සහය දීම සඳහා Lebanon, Indonesia, Pakistan, Malaysia සහ Philippines ඇතුළු රටවල් කිහිපයකින් hackersලාගෙන් සැදුම් ලත් කණ්ඩායම් කිහිපයක් ද එකතු වී ඇති බව වාර්තා වේ. Anon Ghost, Indian Haxors Team, Indian Cyber Rakshak, RedCult (Lebanon), Muslim Cyber Corporation (Indonesia), Pakistan Haxors Crew, Ip Sova Crew(Malaysia), Indonesian Red Code Team, Elite Cyber Army (Philippines), Afghan Cyber Army, Indian Cyber Devils, Sec~Team-7 සහ Sec_dark යනු එම කණ්ඩායම් කිහිපයයි.

වෙබ් අඩවි 130ක් පමණ විකෘති කිරීමට ඔවුන් උත්සාහ කර ඇති නමුත් විකෘති කිරීමට අපොහොසත් වූ වෙබ් අඩවි වලට DDoS ප්‍රහාර එල්ල කිරීමට ඔවුන් කටයුතු කර ඇත. පහත දැක්වෙන links වෙත පිවිසීමෙන් වෙබ් අඩවි විකෘති කර තිබූ ආකාරය ඔබට නැරඹීමට පුළුවන.

http://zonehmirrors.org/defaced/2014/04/15/mohe.gov.lk/mohe.gov.lk/

http://zone-hc.com/Add/mirror/3814b0a_livestock.gov.lk_mirror_.html

http://zonehmirrors.org/defaced/2014/04/15/colombiagoc.com/colombiagoc.com/

මොවුන් විසින් වෙබ් අඩවි කිහිපයක Databases පවා ලබාගෙන ඒවා ඕනෑම අයකුට ලබා ගත හැකි පරිදි විවිධ වෙබ් අඩවි වලට upload කර තිබුණේ ය. විවිධ පුද්ගලයන්ගේ ඊමේල් ලිපින, රහස්පද, දුරකථන අංක ආදී පෞද්ගලික තොරතුරු රැසක් ම එම databases තුළ අඩංගු ය.

එම databases upload කර තිබූ වෙබ් අඩවි වල linksද අප සතු වුවද එය සදාචාර සම්පන්න නොවන බැවින් මෙහි පළ නො කිරීමට තීරණය කළෙමු.

පහත දැක්වෙන්නේ DDoS ප්‍රහාරය අතරතුරේ දී ගත් screenshots කිහිපයකි.