සිහිනයට බිය අයට
යථාර්ථය ද
යථාර්ථයට බිය අයට
සිහිනය ද
විනෝදය ලැබිය හැකි මාවත් ය...
සිහින දැකුම තහනම් කළ අයට
ඔවුනගේ සිහිනයේ කොටස් වන්නට
තහනම් සිහින දකින්නන්ට සිදුවනු ඇත
සිහින තහනම් නොවන දෙසකට
පැන යා යුතුය සිහින ප්‍රිය අය
යථාර්ථයට ප්‍රිය අයට
තහංචිකරුගේ සිහිනයේ කොටස් විය හැක
අනෙකා ගේ සිහින සැමෙකක්ම
අපගේ සිහින නොවීම
මෙන්ම
අපගේ සිහින ද
ඔවුනගේ සිහින නොවනු ඇත...
සිහිනයෙන් මිදීම
එක්කෝ
තවත් සුන්දර සිහිනයක ට
නැත්නම්
කටුක යථාර්ථය වෙත...
නැවත චක්‍රය ඇරඹේ
යන්න පළමු පේලිය වෙත...
26/12/2013
0 කුළිය:
Post a Comment