හුදෙකලා කලුවර: අහිමි හිමි වීම

හුදෙකලා කලුවර

කලුවර හිතට සැනසුමක් දෙන්න.

අහිමි හිමි වීම


සෑම ගහවැලක් ම
සඳ දියෙන් නැහැවී
පහළ යටි වියනට පවා
අතු අගින් පෙරී එන
සඳ ඇබින්දක් හෝ ඇති
එහෙත් මා කිසිවක් නැතිව ම

ගිනියම් ව ඉරි තැළුණු කතරකට ද
වැසි පොදක් නොමැති මුත්
දෙතොල් සනසාගන්න
ඉඳහිට හෝ
පිනි බිඳක් වැටෙනවා ඇති
එහෙත් මා කිසිවක් නැතිව ම

තටු සිදුණ බමරෙකුට වුව
බැරි නමුදු සිත් සේ
රොනවුලෙහි කිමි දෙන්න
ඈත හිඳ විදගන්න
මල් සුවඳ හෝ ඇති
එහෙත් මා කිසිවක් නැතිව ම

4 කමෙන්ටු:

Anonymous

හ්ම්ම්..ලස්සනයි...

 

ලස්සනයි...මේක නිසදැස් වලට වෙන් වෙච්ච blog එකක්ද???Verification Code එක අයින් කලොත් හොද නැද්ද?

 

බොහොම ස්තූතියි!! මම ඔබේ අදහස පරිදි verification code ඉවත් කළා

 

Post a Comment

පරිසරය රැක ගැනීම සඳහා එක් වෙමු!