ඇත්තටම මොකද්ද මේ ධර්ම චක්රය ? අපිට නිතරම දකින්න ලැබෙන, බෞද්ධ ආගමට සම්බන්ධ ගොඩක් තැන්වල තියන මේ ධර්ම චක්රය මොකද්ද කියලා මට හොයලා බලන්න හිතුනා. ගිය සතියෙ ඇසළ පෝය දවසේ ස්වර්ණවාහිනියෙ Live @ 8 ප්රවෘත්ති විකාශයේ මේ ගැන අපූරු ප්රවෘත්තියක් තිබුනා. එහෙම කියන්නේ එදා ඒ ප්රවෘත්තිය යනකන්ම මාත් හිතාගෙන හිටියේ ධර්ම චක්රය කියන්නේ මෙන්න මේ වගේ එකක් කියලා.
රට පුරා බෞද්ධ සිද්ධස්ථාන වල, වෙබ් අඩවි වල එතකොට අපිට හොඳට පුරුදු වෙසක් කාඩ් වල තියන ධර්ම චක්රය ඉතිං මේ වගෙයිනේ, නේද ? කොහොමින් කොහොමින් හරි කාලයත් එක්ක හැමදේම වෙනස් වෙලා වගේ ධර්ම චක්රයත් වෙනස් වෙලා වෙන්නැති. එහෙම කියලා ලෝක විනාසේ 2012 කිය කියා කෑගගහ ඉන්න ලෝකෙක ධර්ම චක්රයත් ටිකක් මොඩ් උනහම මොකෝ කියලා ඇස් පියාගෙන, කන් වහගෙන ඉන්න බැරිම තැනයි මේ ලිපිය ලියන්න හිතුවේ. බොහොම ස්තූතියි ස්වර්ණවාහිනියට මේ ගැන අපේ ඇස් ඇරෙව්වට.
හරි දැන් බලමුකෝ මොකද්ද හරි ධර්ම චක්රය කියලා. ඇත්ත ධර්ම චක්රයේ හරි විදිහටනම් ගරාදි එහෙමත් නැත්තම් අපි කියන්නෙ අර spoke කියලා, අන්න එව්වා 24ක් තියෙන්න ඔනේ. 24යි කියන එක මට නිකං හිතට ආවට කියපු එකක්නම් නෙමෙයි. ඒක ඔහෙ ඕනෙවට එපාවට, එහෙමත් නැත්තං කැටයම් කරුවන්ගේ, සිත්තරන්ගේ පහසුව තකා දාපු එකකුත් නෙමේ. මේ 24න් නිරූපණය වෙන්නෙ බුදු රජාණන් වහන්සේ දේශනා කොට වදාළ ශ්රී සද්ධර්මයයි. ධර්මය කියලා බුදු හාමුදුරුවෝ දේශනා කළේ අපි හැමෝම පිළිගන්න ඕනෙ ඇත්ත හතරක්නේ. ඒකටනෙ චතුරාර්ය සත්යය කියන්නේ. ඉතිං මේ සත්ය 4න් පළවෙනි එක තමා දුක්ඛ ආර්ය සත්යය. දුක්ඛ සත්යයෙන් විස්තර කෙරෙන්නේ දුක් වර්ග 12ක් ගැනයි. ඊළඟට දෙවෙනි සත්යය දුක්ඛ සමුදය ආර්ය සත්යය. ඒ කිව්වෙ දුක ඇති වීමට හේතුව. ඒකට ඉතිං හේතු 3ක් තියනවා බුද්ධ ධර්මයට අනුව. ඒ කාම තන්හා, භව තන්හා, විභව තන්හා. තුන්වෙනි සත්යය තමා දුක්ඛ නිරෝධ ආර්ය සත්යය නැත්තම් දුකින් මිදීමේ මග. දුකින් මිදීමේ මග ඉතිං නිර්වාණය නේ. අන්තිම සත්යය දුක්ඛ නිරෝධ ගාමිණී පටිපදා ආර්ය සත්යය. එහෙමත් නැත්තං දුකින් මිදීමේ මග. ඒක විස්තර කෙරෙන්නේ මධ්යම ප්රතිපදාව නැත්තම් ආර්ය අෂ්ඨාංගික මාර්ගයෙන්. එතකොට ඔක්කොම කරුණු දොළහයි, තුනයි, එකයි, අටයි... විසි හතරයි. අන්න එහෙමයි ධර්මයේ කරුණු 24 නැත්තම් ධර්මය සහිත චක්රයේ ගරාදි 24ක් උනේ. මම මේ කිව්වේ අප මහා ගෞතම බුදු රජාණන් වහන්සේ දේශනා කළ නිර්මල බුදු දහම ගැනයි. හරි ධර්ම චක්රය මෙන්න මේ වගේ එකක්.
බෞද්ධයන් වශයෙන් අපිට අපේ ධර්මය සංකේතවත් කරන්න තියන එකම සංකේතය ධර්ම චක්රය හින්දා අපි අනිවාර්යයෙන් ඒක වෙනස් වෙන්න නොදී අර්ථය දැනගෙන ආරක්ෂා කරගමු.
මේ ලිපියත් එහෙනම් කියවලා බලලා ප්රතිචාර දෙන්නකෝ. මේකෙ හොඳ නොහොඳ ඒ වගේම වෙනස් වෙන්න ඕනෙ දේවල් ගැනත් කියන්නකෝ. මම තවත් ලිපියකින් එනකං සමුගන්නවා එහෙනම්.
සියළු දෙනාට තෙරුවන් සරණයි !
නමෝ බුද්ධාය !
9 යි දැනට ප්රතිචාර:
මෙක අදහ ගන්නත් බෑ.නිතරම දකින දර්ම චක්රය ගැන මෙච්චර කියවන්න දෙවල් තිබුන කියල. :) මට හිතෙනව අපෙ ආගම ගැන අපි හිතනවට වඩා ගොඩක් දෙවල් කියවන්න තියනව කියල.මට මෙහෙම හිතුන එකටත් පින් සිද්ධ වෙන්න ඔනෙ චමත්ට තමයි. :)
ගොඩක් වැදගත් POst එකක්....බොහොම ස්තුතියි.....
මම අහල තිබ්බෙ ධර්ම චක්රයේ ගරාදි 8න් නිරූපණය වෙන්නේ අටලෝ දහම කියල... මොනා උනත් මේ තරම් විස්තරයක් දැනගන්න ලැබීම සතුටක්...
ඒක මචං අපේ බුද්ධාගමේ තියෙන එක එක බෙදීම් වල අනුව වෙනස් වෙනවා. මම ලිපියේ ඒ ගැන කියන්න ගියෙ නෑ. මොකද අපි අදහන්නෙ ථෙරවාදී බුද්ධ ධර්මය එහෙමත් නැත්තම් නිර්මල දහම නේ. ටිබෙට් බුද්ධ ධර්මයේ, එතකොට මහායාන බුද්ධ ධර්මයේ බොහොම වෙනස්කම් තියෙනවානෙ.
බොහොම ස්තූතියි ප්රතිචාරයට චමිඳු...
බොහොමත්ම ස්තූතියි..
දිගටම රැඳිලා ඉන්න නිර්මල දහම එක්ක.
බොහොමත්ම ස්තූතියි ප්රතිචාරයට..
ඔව් තවත් මේ වගේ හැංගිච්ච දේවල් ඕන තරම් තියනවා. මම ඒවා ගැනත් ලිපි පළ කරන්නම්කෝ.
I think concept is ok. But it ධර්ම චක්රය colour should be change It must be Dark Orange not Blue
Thank you very much ! I was expecting these kind of corrections cuz I'm not a genius in this field. Appologies... I couldn't search more about the colour.. I'm very grateful.
Thank you very much ! I was expecting these kind of corrections cuz I'm not a genius in this field. Appologies... I couldn't search more about the colour.. I'm very grateful.
Post a Comment
බොහොම ස්තූතියි කියෙව්වාට.
මාව දිරිමත් වෙන්න ප්රතිචාරයකුත් දාලම යනවද ?