2011 ලෝක කුසලාන ක්‍රිකට් තරඟාවලිය අවසන්. නොකඩවා දෙවන වරටත් අනුශූරතාව හිමි කරගන්න අපේ සිංහ සේනාව සමත් උනා. කුසලානය අහිමි වීම ගැන පොඩි දුකක් ලාංකිකයො වන අපි හැමෝගෙම හිතේ තිබුනත්, අපේ කණ්ඩායම මේ තරඟාවලිය පුරාවට දක්වපු දක්ෂතා මතක් කරද්දි ඒ දුක නිකම්ම නැති වෙලා යනවා. ඒ තරම් හොඳින් අපේ කට්ටිය සෙල්ලම් කරා. ඉතින් ඒ ජයග්‍රහණය වෙනුවෙන් අපි හැමෝගෙම උණුසුම් සුභ පැතුම් එකතු කරන මිලියන 20ක් ජනතාව අතරට මමත් එකතු වෙනවා...
අවසානයෙදි ශ්‍රී ලාංකිකයො විදියට කරන්නෙ එකම ප්‍රාර්ථනයයි... ඒ තමයි මේ ලැබූ ජයග්‍රහණය විජයග්‍රහණයක් කරන්න 2015දි අපේ සිංහ සේනාවට හැකියාව ලැබේවා කියන එක...
ලංකාවෙ අපි හැමෝම සියළු වාද භේද අමතක කරල එක අරමුණක් වෙනුවෙන් ක්‍රිකට් ක්‍රීඩාව නිසා එකමුතු උනා වගේම අනිත් සියලු දේවල් වලදිත් අපිට එකමුතු වෙන්න පුලුවන් නම් ලංකා මාතාව සියලු යහපත් දෙයින් ලෝකයේ අංක එකට ඇවිත් අපේ මිනිස්සුන්ගෙ බලාපොරොත්තු ඉ‍ටු වන දවස වැඩි ඈතක නෑ කියලයි මට හිතෙන්නෙ...
තරඟාවලිය නිමා වෙනවත් එක්කම මට පොඩි අදහසක් ආවා. මේ කරන වැඩේ ලොකු ප්‍රයෝජනයක් නම් නෑ. තවම ක්‍රිකට් උණුසුම තියන නිසා කරන්න හිතපු පොඩි වැඩක් විතරයි... යුව්රාජ්ට තරඟාවලියෙ වටිනාම ක්‍රීඩකයාට හිමි කුසලානය ලැබෙද්දි අනිත් ක්‍රීඩකයන්ගෙ දක්ෂතාවලට කිසි ඇගයීමක් නැද්ද කියල මට හිතුනා. ඉතින් ඒක නිසා පොඩි අලුත් දෙයක් කරන්නයි මං හැදුවෙ. ඒ තමයි ඒ තමයි 2011 ලෝක කුසලාන තරඟාවලියේ දක්වපු දක්ෂතා වලට අනුව හොඳම ලෝක කණ්ඩායම නම් කරන එක.
මම නම් කරපු ලෝක කණ්ඩායම (World XI) තමයි මේ...
Dilshan (Sri Lanka)
Sachin (India)
Sangakkara (Sri Lanka)
AB De Villiers (South Africa)
Yuvraj Singh (India)
Ross Taylor (New Zealand)
Anjello Mathews (Sri Lanka)
Daniel Vettori (New Zealand)
Zaheer Khan (India)
Lasith Malinga (Sri Lanka)
Murali (Sri Lanka)
පිතිකරුවන් 6ක්, වේග පන්දු යවන්නන් 2ක්, දඟ පන්දු යවන්නන් 2ක් හා තුන් ඉරියව්වෙන් කැපී පෙනෙන ක්‍රීඩකයෙක් යනාදී වශයෙන් තමයි මම මේක නම් කලේ. නායකත්වය අපේ සංගක්කාරට දෙන්න හිතුවා. කඩුලු රකින්නාත් සංගක්කාරම තමයි.
මේ නම් කරපු ක්‍රීඩකයින් මේ ස්ථාන වලට නම් කරන්න හේතු වෙන වෙනම දක්වන්න උවමනාවක් වෙන එකක් නෑ කියලයි මං හිතන්නෙ. ඉතින් මේක කියවන ඔයාලගෙ කණ්ඩායමත් comment එකක් විදියට එකතු කරන්න අමතක කරන්න එපා. ස්වාධීන අදහස් එකතු කරන්න ඔන්න අවස්ථාව...!!!
සැමට ජය...!!!
2 comments:
i would like to give dat vettori spot to Shahid afridi and the ross taylor spot to mike hussey(if he is stil playn) feel da need f a player like shane watson.bt not sure exactly whom to leav if watson comes in.it may probably be mathews.i hav no doubts wit da rest f da selectn. :)
Post a Comment