දිවා සිහිනෙකටවත් නොඑන ඔබ මගේ ජනේල වීදුරුවේ සුසුම් නොතබන දිවා සිහිනෙකටවත් නොඑන අමුතු පරිස්සම මා කිති කවන හෙවණට සිටි ගස් පවා කඩා හැලෙන ඇස දවන අව්ව මැද ඔබ සිනිඳු මල් නෙළන පෙති කඩන ජීවිතය; අලුත් තැනක පිපෙන්නට බැරිව එක මොහොතකින් පරවෙන ...

මාළු ටැංකිය;ඒ අය පීනන මාළු ටැංකිය ඒ අය පීනන දිය සෙවළ බැඳුණ මාළු කෑම ගහණ ඔබ හදිසියේ මාළු ටැංකියට හිස පෙව්ව ෆයිටර් සහ කාෆ් මාළු අහිනක් දැක සිනාසෙන්නට මදක් නතර වුණ ලිස්සා ටැංකියට වැටුණ තෙත මාත්තු කර ගෝල්ඩ් ෆිෂ් වරළ ගෙදර ආ යුතුයි අමතක කර ඒ මොහොත සාරි ගබ්බින්ට ඉඩ දී ඔහේ පීනන්න ෆයිටර්ලාට ඉඩ දී අනෙකාගේ වරල් කන්න කාෆ්ලාට ඉඩ දී ටෑන්ක් ...

ශෝකයක් නැති හදවතක් පෙම්වත; ගැලවුණා වයලීනයේ තතක් වයන්නට නොදන්නා සුරතකින් පිළිසකර කරන්නට ඕනෑ මට ශෝකයක් නැති හදවතක් උරහිසේ තැවරි තැවරී ‍රැදෙන්නයි රළු ඇඟිලි තුඩඟට පාඩුවේ නොඉන්නයි මේ වැයුම් ඔක්කොම හොඳටෝම පැටලෙන්නයි පෙම්වත; වයලීනයක් මෙන් ඔබ නිසොල්මන් වී හිඳින්නයි සියුම් බඳ නොසැලී තිබෙන්නයි ඔබ සියුම් සැත්කම් නොදන්නා බව කියන්නයි පෙම්වත; මගෙන් තව එක නාදයක්වත් නොනැගෙන්නයි ...

මගේ පා හඬට විසාල ලී මේසය අසල බීරලු සැරසිලි ඇති පු‍ටුවක වාඩිවී කළු-සුදු සඟරාවක් කියවන ඔබ හැරී නොබලයි මගේ පා හඬට පළල් උරහිස නොගැස්සෙයි මගේ කටහඬට ඔබේ ඇස දන්නවා මං ඉන්න තැන ඔබේ දෑගිලි දන්නවා තැවරෙන්න මගේ මුහුණත ඔබේ කොපුලත දන්නවා මගේ දෙතොලේ රශ්මිය එහෙත් කිසි විට හැරී නොබලන ඔබේ සිරුරට මං කුමක් කරන්නද ඊඩ්න් උයනෙනුත් අපිව නෙරපූ විට ...

විස ගලන අන්තිමම හාදුව ඔබ ද සාංකාවේ කොටසක් ඒවා සිටි තහනම් උයනේම පළතුරක් දැන් මගේ හිත යට සර්පයන් සැරිසරන ළමැද කඳු ගැට උඩ දුහුල් කැලෑ මල් පිපෙන උදුපියලියා ගොල්ලක් උඩ රහසේම වැතිරෙන්න හිතෙන ඔබ ද සාංකාවෙ ප‍ටු දොරක් ඒව අතින් යතුර නැති වුණ වෙනත් තැන්වලින් අපි එහි ඇතුළු වන අඳුරු කොරිඩෝ දිගේ පැටලෙමින් ආලිංගන ලුණු රසයි නොහිතාම ඉදහිට කඳුළක් උරා බොන දැන් මගේ ...

නිල් පැහැති පිහාටුවකි නිල් පැහැති පිහාටුවකි කාකයෙකු සතු විය නොහැකි දගර ගැසුණු නිය තුඩින් අල්ලාගෙන තැන තැන ගෙන පියාසර කළ ඔබ මිය ගිය පසු කුණු ගොඩක කුණු අනුභව කොට පොලිතින් කවරයකින් ඔතා වළලන්නට නොයෙදුණු ඔබේ කය කාක කය ප්‍රියය; ඒ නිල්වන් පිහාටුව වම් අත්තටුවෙන් ගලවාගනු ලැබුව සුළඟේ ගිය පසුව කාක කඳුළකට බරක් තිබෙනු හැකිද? පින්තූරය: Himali N. Liyanage ...

ශෝකයක් වුව එතරම් රළ නොගසන මඟ නතර වූ වාහනයක මම අලුත් නගරයකදී ඔබව මුණ ගැසෙන්නට පතන ගැස්සෙන උරහිස පින්තාරු නොකළ මුහුණක අදීප්තිමත් සැණකෙළියක එළිය සොයන අන්තිමට; ශෝකයක් වුව එතරම් රළ නොගසන ප්‍රීතියක් වුව ඇති තරම් පෙණ නොනගන ඇති වෙන-නොවෙන-නැසෙන ප්‍රේමය සමඟ ...

ඇය කරන පිළිවෙලටම 'ඔබට; දෙළුම් ඇට විසුරවන්නත් පුළුවන පැණි රසැති යුෂ බිඳක් මුවඟින් මුවඟකට මාරු කරන්නත් පුළුවන කැබලිව කුඩු විසිවුණ දවසක් මුල සිට අලවන්නත් පුළුවන' සමහර විට සමහර දෑ ඇය කරන පිළිවෙලටම රස නොදැනෙන්නත් පුළුවන ...

ඒ මල් උයන හැකි විට උද්‍යානයෙන් මල් ඇට සොරා ගන්න ඔබ කියන්නේ දහවලෙත් ඇස් නොපෙනෙන බව ඕනෑ විට නගරයේ වතුර මල වෙනතකට හරවන්න ඔබ කියන්නේ කරාමය අලුත්වැඩියා කළ යුතු බව සුදුසු විට පෙම්වතුන්ගේ පිළිමය යට වැතිරීම ඔබ හිතන්නේ පිළිමය සරාගී වැඩි බව පෙම්වත; නොකෙරෙන දීගය ඒ මල් උයන තවම යහතින් පසුවන ...

හැම ඉරිදාම හරියට නිකං හැම ඉරිදාම අපි හමුවුණා වගෙයි ගේ ඇතුළෙ ඇවිදිද්දි හිම වගේ පුංචි සීතල කුඩක් මුහුණෙ හැපෙනවා නරකම සිංදුවක වුණත් රොමෑන්තික පේලියක් අහු වෙනවා එහෙම හැම දවසකම ඔයත් ඉන්නවා දොරකඩම රෝස මල් අරගෙන පුංචි තෑගි ඔතාගෙන පුසුඹ කැළතෙන විලවුන් තවරගෙන හරියට නිකං මේ ඉරිදා අපි හමුවෙනවා වගෙයි ...

පැය අටක ක්‍රීඩාව යකඩ සැට්ටය කදිමට ගැලැපේ මිමි නොගෙන මැසුවාට තොප ඊතළ දරන අගක විස සුඟක් තවරන නොනැවතී ඉලක්කගත වන පැය අටක ක්‍රීඩාවකි මෙය කිසිම නීතියකට යටත් නොවන

පෙම්වත; පෙම් නොකර වෙන් වෙන්න රාත්‍රිය අපව අත් හැර වෙනත් කාමර තුළට ගමන් කරන හිස කෙස් අවුල් කරන රළු ඇඟිලි තුඩු නොනමන ඔබට පුළුවන්ද අවනත වෙන්න පොඩි නොවුණ කඩදාසියක් වෙන්න රාත්‍රියේ උදව් නැතිව දවස ගෙවන්න පෙම්වත; පෙම් නොකර වෙන් වෙන්න ...

Previous Page